'മോദിയുടെ മുതലാളിത്ത മാധ്യമങ്ങള്‍ മിഥ്യാധാരണ സൃഷ്ടിച്ചിരിക്കുകയാണ്, അതുടന്‍ തകരും'; വിമര്‍ശനവുമായി രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Thursday, 30th July 2020, 3:13 pm
ന്യൂദല്‍ഹി: പ്രധാനമന്ത്രി നരേന്ദ്ര മോദി രാജ്യത്തെ നശിപ്പിക്കുകയാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി.
കേന്ദ്രസര്‍ക്കാരിന്റെ ഭരണത്തെക്കുറിച്ച് മോദിയുടെ മുതലാളിത്ത മാധ്യമങ്ങള്‍ മിഥ്യാധാരണ സൃഷ്ടിച്ചിരിക്കുകയാണെന്നും ഈ ആശയക്കുഴപ്പം ഉടന്‍ തന്നെ തകരുമെന്നും രാഹുല്‍ ഗാന്ധി പറഞ്ഞു. ട്വിറ്ററിലൂടെയായിരുന്നു രാഹുലിന്റെ പ്രതികരണം.
നോട്ട് നിരോധനം, ജി.എസ്.ടി, കൊറോണ പകര്‍ച്ച വ്യാധിയിലെ അഴിമതി തുടങ്ങിയവയിലൂടെ മോദി രാജ്യത്തെ നശിപ്പിക്കുകയാണെന്നാണ് രാഹുലിന്റെ വിമര്‍ശനം. തൊഴില്‍ മേഖലയും
സമ്പദ് വ്യവസ്ഥയും മോദി തകര്‍ത്തു കളഞ്ഞെന്നും അദ്ദേഹം ട്വീറ്റ് ചെയ്തു.
