ന്യൂഡൽഹി: നരേന്ദ്രമോദിക്ക് ഹിന്ദുത്വത്തിന്റെ അടിസ്ഥാന തത്വത്തെ കുറിച്ച് പോലും അറിവില്ലെന്നു കോൺഗ്രസ് അധ്യക്ഷൻ രാഹുൽ ഗാന്ധി.”എന്താണ് ഹിന്ദുത്വത്തിന്റെ ഉള്ളടക്കം? ഭഗവത് ഗീതയിൽ എന്താണ് പറയുന്നത്? ഇൗ വിവരങ്ങളെളെല്ലാം നമുക്കറിയാം. നമ്മുടെ പ്രധാനമന്ത്രി പറയുന്നത് അദ്ദേഹം ഹിന്ദുവാണെന്ന്. എന്നാൽ സത്യത്തിൽ അദ്ദേഹത്തിന് ഹിന്ദുത്വത്തിന്റെ അടിസ്ഥാനം പോലും മനസിലാക്കാനുള്ള കഴിവില്ല. എന്ത് ഹിന്ദുവാണ് അദ്ദേഹം?’ രാഹുൽ ഗാന്ധി സദസ്സിനോട് ചോദിച്ചു.
Also Read “ഒടിയനിലെ എല്ലാ ഗാനങ്ങളും അതിമനോഹരം”: പ്രേക്ഷകർക്ക് നന്ദി പറഞ്ഞ് മോഹൻലാൽ – വീഡിയോ
രാജസ്ഥാനിലെ ഉദയ്പൂരിൽ ബിസിനസുകാരുടെയും ഉദ്യോഗസ്ഥരുടെയും സമ്മേളനത്തിൽ സംസാരിക്കുകയായിരുന്നു അദ്ദേഹം. ലോകത്തിലെ എല്ലാ കാര്യങ്ങളെക്കുറിച്ചും തനിക്കറിയാമെന്നും ലോകത്തുള്ള സകല ജ്ഞാനവും തന്റെ തലയിൽ നിന്നുമാണ് ഉദിക്കുന്നതെന്നുമാണ് മോദി കരുന്നതെന്നും രാഹുൽ ഗാന്ധി പരിഹസിച്ചു.
യു.പി.എ ഭരണകാലത്ത് മൻമോഹൻ സിങ് പ്രധാനമന്ത്രിയായിരുന്നപ്പോൾ മൂന്ന് മിന്നലാക്രമണങ്ങൾ ഇന്ത്യൻ സൈന്യം നടത്തിയതിനെക്കുറിച്ച് രാഹുൽ മേവാറിൽ തെരഞ്ഞെടുപ്പ് പ്രചാരണ പരിപാടിയിൽ പറഞ്ഞിരുന്നു. മിന്നലാക്രമണങ്ങളെ കുറിച്ച് ആരും അറിഞ്ഞിരുന്നില്ല.
Also Read സിദാന്‍ പരിശീലകനായി ഉടന്‍ തിരിച്ചുവരുമെന്ന് മകന്‍ എന്‍സോ
സൈന്യത്തിന്റെ പ്രവർത്തനങ്ങളെ ആരുടേയും നേട്ടത്തിനായി ഉപയോഗിക്കാൻ തങ്ങൾ ശ്രമിച്ചില്ല.സൈന്യം തീരുമാനമെടുത്തത് നടത്തിയ മിന്നലാക്രമണങ്ങളുടെ കീർത്തി മോദിയും ബി.ജെ.പിയും തട്ടിയെടുക്കാനാണ് ശ്രമിക്കുന്നതെന്നും രാഹുൽ ഗാന്ധി കുറ്റപ്പെടുത്തിയിരുന്നു.