ഡി.എം.കെയെ തോല്‍പ്പിക്കാന്‍ രംഗത്തുള്ളത് ഒന്നിലധികം ശക്തികള്‍; ചിലര്‍ പുതിയ പാര്‍ട്ടികളുമായി രംഗത്ത് വരുന്നുണ്ട്; രജനിയെ പരോക്ഷമായി വിമര്‍ശിച്ച് സ്റ്റാലിന്‍
ഡൂള്‍ന്യൂസ് ഡെസ്‌ക്
Sunday, 20th December 2020, 6:29 pm
ചെന്നൈ: രാഷ്ട്രീയത്തിലിറങ്ങാന്‍ ഒരുങ്ങുന്ന രജനികാന്തിനെ പരോക്ഷമായി വിമര്‍ശിച്ച് ഡി.എം.കെ അധ്യക്ഷന്‍ എം.കെ സ്റ്റാലിന്‍. ഡി.എം.കെയെ അധികാരത്തില്‍ നിന്ന് മാറ്റിനിര്‍ത്തുന്നതിനായി ഒന്നിലധികം ശക്തികളാണ് രംഗത്തുള്ളതെന്നും ചിലര്‍ പുതിയ പാര്‍ട്ടിയുമായി രംഗത്തുവരുന്നുണ്ടെന്നും സ്റ്റാലിന്‍ പറഞ്ഞു.
തെരഞ്ഞെടുപ്പിന് മുന്നോടിയായി ചേര്‍ന്ന ഡി.എം.കെയുടെ പഞ്ചായത്ത് യൂണിയന്‍ സെക്രട്ടറിമാരുടെയും ജില്ലാ സെക്രട്ടറിമാരുടെയും യോഗത്തില്‍ സംസാരിക്കുകയായിരുന്നു അദ്ദേഹം.
ബി.ജെ.പിയും എ.ഐ.ഡി.എം.കെയും തെരഞ്ഞെടുപ്പ് പ്രചാരണത്തിനായി വന്‍തുകയാണ് ഇറക്കുന്നതെന്നും സ്റ്റാലിന്‍ പറഞ്ഞു. 200 സീറ്റുകള്‍ തെരഞ്ഞെടുപ്പില്‍ നേടണമെന്നാണ് ഡി.എം.കെയുടെ ലക്ഷ്യമെന്നും അദ്ദേഹം പറഞ്ഞു.
