മുംബൈ: ഇന്ത്യന്‍ ക്രിക്കറ്റ് താരം മിതാലി രാജ് ടി-20 ക്രിക്കറ്റില്‍ നിന്ന് വിരമിച്ചു. മൂന്ന് ടി-20 ലോകകപ്പുകളില്‍ (2012,2014,2016) ഇന്ത്യയെ നയിച്ചത് മിതാലിയായിരുന്നു.
89 ടി-20 മത്സരങ്ങളില്‍ നിന്നായി 17 അര്‍ധസെഞ്ച്വറിയടക്കം 2364 റണ്‍സ് നേടിയിട്ടുണ്ട്. 97 റണ്‍സാണ് ഉയര്‍ന്ന സ്‌കോര്‍. ഇന്ത്യയെ 32 ടി-20 മത്സരങ്ങളില്‍ നയിച്ചു.
2019 മാര്‍ച്ച് ഒമ്പതിനാണ് അവസാനമായി ടി-20 കളിച്ചത്. ആ മത്സരത്തില്‍ 32 പന്തില്‍ 30 റണ്‍സെടുത്ത് മിതാലി പുറത്താവാതെ നിന്നു. ടി-20 യില്‍ ആദ്യമായി 2000 റണ്‍സ് മറികടന്ന ഇന്ത്യന്‍ താരമാണ് മിതാലി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
2021 ലെ ഏകദിനലോകകപ്പില്‍ ശ്രദ്ധ കേന്ദ്രീകരിക്കാനാണ് ടി-20യില്‍ നിന്ന് വിരമിക്കുന്നതെന്ന് മിതാലി പറഞ്ഞു. രാജ്യത്തിനായി ലോകകപ്പ് നേടുക എന്നത് സ്വപ്‌നമായി തുടരുകയാണെന്നും അതിനായി കഠിനപ്രയ്തനം നടത്തുകയാണെന്നും അവര്‍ പറഞ്ഞു.
തന്നെ പിന്തുണച്ച ബി.സി.സി.ഐയ്ക്കും സഹതാരങ്ങള്‍ക്കും മിതാലി നന്ദി അറിയിച്ചു. 2018 ലെ ടി-20 സെമിയില്‍ മിതാലി കളിപ്പിക്കാതിരുന്നത് വിവാദമായിരുന്നു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
മിതാലിയുടെ ജീവിതം വിയാകോം 18 മോഷണ്‍ പിക്ച്ചേസ് സിനിമയാക്കുന്നുണ്ട്.
WATCH THIS VIDEO:
