കോഴിക്കോട്: സംവിധാനം ആഷിഖ്, ക്യാമറ ഗിരീഷ് ഗംഗാധരന്‍, എഡിറ്റിംഗ് ഷൈജു ശ്രീധരന്‍, അഭിനയിക്കുന്നത് അനുശ്രീയും വിനയ് ഫോര്‍ട്ടും മാത്യു തോമസും പറഞ്ഞ് വരുന്നത് ഒരു സിനിമയുടെ അണിയറ പ്രവര്‍ത്തകരെ കുറിച്ചല്ല. ഒരു പരസ്യത്തിനെ കുറിച്ചാണ്.
മില്‍മയുടെ ഏറ്റവും പുതിയ പരസ്യത്തിന് വേണ്ടിയാണ് ഈ ടീം ഒന്നിച്ചത്. മില്‍മ നെയ്യിനെ കുറിച്ചുള്ള ഈ പരസ്യത്തിന് പശ്ചാത്തലമാകുന്നത് ഒരു സ്‌കൂളിലെ സ്റ്റാഫ് റൂം ആണ്.
ഗൃഹപാഠം എന്ന് പേരിട്ടിരിക്കുന്ന പരസ്യത്തില്‍ വിനയ് ഫോര്‍ട്ട്, അനുശ്രീ, മാത്യു തോമസ്, മനോ ജോസ്, സന്ദീപ് നാരായണന്‍, ആഷിന്‍ എന്നിവരാണ് പ്രധാന വേഷത്തില്‍ എത്തിയിരിക്കുന്നത്. ജസ്റ്റിന്‍ വര്‍ഗീസാണ് ഈ പരസ്യ ചിത്രത്തിന്റെ സംഗീതം.
നേരത്തെ ഫഹദ് ഫാസില്‍ ദിലീഷ് പോത്തന്‍ എന്നിവര്‍ അഭിനയിച്ച് മില്‍മ പാലിന്റെ പരസ്യവും ഐശ്വര്യ ലക്ഷ്മി, ശ്രീനാഥ് ഭാസി, ജാഫര്‍ ഇടുക്കി, വിശാഖ്, ബേസില്‍ ജോസഫ് എന്നിവര്‍ അഭിനയിച്ച മില്‍മ ഐസ്‌ക്രീം പരസ്യവും വൈറലായിരുന്നു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ