ഇന്ത്യന്‍ നായകന്‍ വിരാട് കോഹ്‌ലിയെ കുറിച്ച് മുന്‍ ഇംഗ്ലണ്ട് താരം മൈക്കല്‍ വോണ്‍ പറഞ്ഞ വാക്കുകളാണ് ഇപ്പോള്‍ ക്രിക്കറ്റ് ലോകത്തെ സംസാര വിഷയം. വരാനിരിക്കുന്ന ഓസ്‌ട്രേലിയന്‍ പരമ്പരയില്‍ കോഹ്ലി എങ്ങനെ ആയിരിക്കുമെന്ന ചോദ്യത്തിന് മറുപടി പറയുകയായിരുന്നു അദ്ദേഹം.
ദക്ഷിണാഫ്രിക്ക, ഇംഗ്ലണ്ട് പരമ്പരകളില്‍ കോഹ്ലി അമ്പരപ്പിക്കുന്ന പ്രകടനമാണ് കാഴ്ച്ചവെച്ചത്. അത്തരമൊരു പ്രകടനം ഓസ്‌ട്രേലിയയിലുമുണ്ടാകും. അദ്ദേഹത്തിന് എല്ലാ മണ്ണും സമമാണ്. ഇതായിരുന്നു വോണിന്റെ മറുപടി.
READ MORE: ലോകകപ്പ് തൊട്ടടുത്ത്; ദുരന്തമുഖത്ത് നിന്ന് കരകയറാനാകാതെ ഓസീസ്
ദക്ഷിണാഫ്രിക്കയ്‌ക്കെതിരായ ടെസ്റ്റില്‍ ആറ് ഇന്നിങ്‌സില്‍ നിന്നായി 286 റണ്‍സ് വിരാട് അടിച്ചെടുത്തിരുന്നു. ഇതില്‍ സെഞ്ചൂറിയനില്‍ നേടിയ 156 റണ്‍സും ഉള്‍പ്പെടും. ഇംഗ്ലണ്ടില്‍ അഞ്ച് ഏകദിനങ്ങളില്‍ നിന്നായി 593 റണ്‍സും കോഹ്ലി അടിച്ചെടുത്തു. രണ്ട് സെഞ്ചുറിയും രണ്ട് അര്‍ധ സെഞ്ചുറിയും ഇതില്‍ ഉള്‍പ്പെടുന്നു. ഈ പ്രകടനം ഓസീസില്‍ തുടരുമോ എന്നതിന് സംശമയമേതുമില്ലാതെ അതെ എന്നായിരുന്നു വോണിന്റെ മറുപടി.
Yes … https://t.co/Ks1fRu3J3j
— Michael Vaughan (@MichaelVaughan) November 12, 2018
ഈ മാസം 21നാണ് ഇന്ത്യ-ഓസ്‌ട്രേലിയ പരമ്പര ആരംഭിക്കുന്നത്. കങ്കാരുക്കളുടെ ചരിത്രത്തിലെ ഏറ്റവും ദുര്‍ബലമായി കാലത്തിലൂടെയാണ് ഓസീസ് കടന്നുപോകുന്നത്. ഈ വര്‍ഷം ജയിച്ചത് രണ്ട് മത്സരങ്ങളില്‍ മാത്രം. ഈ സാഹചര്യത്തില്‍ ഇന്ത്യ ഉയര്‍ത്തുന്ന വെല്ലുവിളി കങ്കാരുപ്പട എങ്ങനെ മറുകടക്കുമെന്നാണ് ക്രിക്കറ്റ് ലോകം ഉറ്റുനോക്കുന്നത്.