കൊച്ചി: നാദിര്‍ഷ സംവിധാനം ചെയ്യുന്ന മൂന്നാമത്തെ ചിത്രം മേരാ നാം ഷാജിയിലെ ഗാനം പുറത്തുവിട്ടു. മര്‍ഹബ എന്ന് തുടങ്ങുന്ന ഗാനം ആലപിച്ചിരിക്കുന്നത് ബോളിവുഡ് ഗായകന്‍ ജാവേദ് അലിയാണ് .
ഷാജി, ഷാജി സുകുമാരന്‍, ഷാജി ജോര്‍ജ് എന്നീ പേരുകളുള്ള മൂന്ന് ഷാജിമാരുടെ കഥയാണ് മേരാ നാം ഷാജി. ബിജു മേനോന്‍, ബൈജു, ആസിഫ് അലി എന്നിവരാണ് ഷാജിമാരാകുന്നത്.
എന്തിരനിലെ “കിളിമന്‍ജാരോ”യും, തുപ്പാക്കിയിലെ “അലൈക ലൈക്ക”യും പാടിയത് ജാവേദാണ്. ഇതിനു മുന്‍പ് ഗാംഗ്സ്റ്ററിലെ “അള്ളാഹു അക്ബര്‍” എന്ന ഗാനം ആലപിച്ചെങ്കിലും പൂര്‍ണമായും ഒരു മലയാള ഗാനം ഇതാദ്യമാണ്. സന്തോഷ് വര്‍മ്മ, മുന്ന ഷൗക്കത് അലി എന്നിവരുടെ വരികള്‍ക്ക് ഈണമിട്ടിരിക്കുന്നത് എമില്‍ മുഹമ്മദ്.
അമര്‍ അക്ബര്‍ അന്തോണിക്കും കട്ടപ്പനയിലെ ഋത്വിക് റോഷനും ശേഷം നാദിര്‍ഷ സംവിധാനം ചെയ്യുന്ന ചിത്രം ഏപ്രിലില്‍ തിയേറ്ററുകളില്‍ എത്തും. 2 ബി. രാകേഷ് നിര്‍മിക്കുന്ന ചിത്രത്തിന്റെ തിരക്കഥയും സംഭാഷണവും ദിലീപ് പൊന്നന്‍ ആണ്.