'മലപ്പുറം കാക്കയായി സുരേഷ് ഗോപി'; ജിബു ജേക്കബിന്റെ 'മേ ഹൂം മൂസ' പ്രഖ്യാപിച്ചു
എന്റര്‍ടെയിന്‍മെന്റ് ഡെസ്‌ക്
Thursday, 21st April 2022, 2:47 pm
ജിബു ജേക്കബ് സംവിധാനത്തില്‍ സുരേഷ് ഗോപിയെ നായകനാക്കുന്ന പാന്‍ ഇന്ത്യന്‍, ബിഗ് ബജറ്റ് സിനിമ പ്രഖ്യാപിച്ചു. ‘മേ ഹൂം മൂസ’ എന്നാണ് ചിത്രത്തിന്റെ പേരിട്ടിരിക്കുന്നത്.
സുരേഷ് ഗോപിയുടെ 253ാം സിനിമയായാകും ചിത്രം ഒരുങ്ങുന്നത്. വെള്ളിമൂങ്ങ, മുന്തിരിവള്ളികള്‍ തളിര്‍ക്കുമ്പോള്‍, ആദ്യരാത്രി, എല്ലാം ശരിയാകും എന്നീ ചിത്രങ്ങള്‍ക്കു ശേഷം ജിബു ജേക്കബ് സംവിധാനം ചെയ്യുന്ന ചിത്രം കൂടിയാണിത്.
സിനിമയുടെ ചിത്രീകരണം കൊടുങ്ങല്ലൂരില്‍ ആരംഭിച്ചതായും, വാഗ ബോര്‍ഡര്‍ തുടങ്ങി പല ഉത്തരേന്ത്യന്‍ സംസ്ഥാനങ്ങളും ലൊക്കേഷനാകുന്ന ചിത്രം പാന്‍ ഇന്ത്യന്‍ സിനിമ കൂടിയാണെന്ന് സംവിധായകന്‍ ജിബു ജേക്കബ് അറിയിച്ചു.
1998ല്‍ തുടങ്ങി 2018ല്‍ അവസാനിക്കുന്ന തരത്തിലാണ് സിനിമയുടെ കഥ പുരോഗമിക്കുന്നത്. നടന്ന സംഭവങ്ങളും ചിത്രത്തില്‍ ആവിഷ്‌കരിക്കുന്നുണ്ട്.
