മെഗാസ്റ്റാര്‍ ചിരഞ്ജീവിയുടെ ഫാന്റസി ചിത്രം 'മെഗ 157' പ്രഖ്യാപിച്ചു
എന്റര്‍ടെയിന്‍മെന്റ് ഡെസ്‌ക്
Tuesday, 22nd August 2023, 6:27 pm
വര്‍ഷങ്ങള്‍ക്ക് ശേഷം ഫാന്റസി ചിത്രത്തില്‍ അഭിനയിക്കാന്‍ ഒരുങ്ങി ചിരഞ്ജീവി. ബിംബിസാര എന്ന ചിത്രത്തിലൂടെ സംവിധാന രംഗത്ത് കാലുകുത്തിയ വസിഷ്ഠ സംവിധാനം ചെയ്യുന്ന മെഗ 157ലൂടെയാണ് വീണ്ടും ഫാന്റസി ചിത്രത്തിലേക്ക് തിരികെ വരാന്‍ ചിരഞ്ജീവി ഒരുങ്ങുന്നത്.
യു.വി ക്രിയേഷന്‍സിന്റെ ബാനറില്‍ വംശി, പ്രമോദ്, വിക്രം എന്നിവരാണ് ചിത്രം നിര്‍മിക്കുന്നത്. ‘ജഗദേക വീരുഡു അതിലോക സുന്ദരി’ പോലെയുള്ള മറ്റൊരു ഫാന്റസി എന്റര്‍ടെയ്നറില്‍ ചിരഞ്ജീവിയെ കാണാന്‍ ആഗ്രഹിക്കുന്ന ആരാധകര്‍ക്ക് ഏറെ സന്തോഷം നല്‍കുന്നതാണ് ഈ പ്രഖ്യാപനം.
