[] നസ്രിയയുടെ കല്ല്യാണ ചടങ്ങുകള്‍ക്കിടയില്‍ മൈലാഞ്ചിയാണിഞ്ഞ് മൊഞ്ചത്തിയായി നിന്ന മീര നന്ദന്‍ മുസ്‌ലിം കഥാപാത്രമായെത്തുന്ന ചിത്രമാണ് മൈലാഞ്ചി മൊഞ്ചുള്ള വീട്. ബെന്നി തോമസ് സംവിധാനം ചെയ്യുന്ന ചിത്രത്തില്‍ ജയറാം, ആസിഫ് അലി, കനിഹ എന്നിവരാണ് പ്രധാന കഥാപാത്രങ്ങള്‍.
ഉദയകൃഷ്ണ-സിബി.കെ.തോമസ് കൂട്ടുകെട്ടിലൊരുങ്ങുന്ന ചിത്രത്തില്‍ ആസിഫ് അലിയുടെ നായികയായാണ് മീര അഭിനയിക്കുന്നത്. സിനിമാക്കാരുടെ സ്ഥിരം താവളമായ വരിക്കാശ്ശേരി മനയില്‍ ചിത്രത്തിന്റെ ഷൂട്ടിങ് പുരോഗമിക്കുകയാണ്.
അപ്പോത്തിക്കിരിയിയിലെ ഡെയ്‌സിയിലൂടെ പ്രേക്ഷക ശ്രദ്ധ നേടിയ മീര തമിഴിലും ആരാധകരെ സൃഷ്ടിക്കാനുള്ള ശ്രമത്തിലാണ്. എ.വെങ്കിടേഷ് സംവിധാനം ചെയ്യുന്ന സന്തമരുതം എന്ന തമിഴ് ചിത്രത്തില്‍ ശരത് കുമാര്‍,ഒവിയ, സമുദ്രക്കനി എന്നിവര്‍ക്കൊപ്പമാണ് മീര വേഷമിടുന്നത്.
യൗവ്വനം തുളുമ്പുന്ന ചിത്രങ്ങള്‍ സമ്മാനിക്കുന്ന വൈശാഖിന്റെ കസിന്‍സ് ആണ് മീരയുടെ അടുത്ത മലയാളം പ്രോജക്ട്. ചിത്രത്തില്‍ കുഞ്ചാക്കോ ബോബനും ബിജു മേനോനുമാണ് നായകന്മാര്‍.