2 ക്രിയേറ്റീവ് മൈന്‍ഡ്‌സിന്റെ ബാനറില്‍ വിനോദ് ഉണ്ണിത്താനും സമീര്‍ സേട്ടും ചേര്‍ന്ന് നിര്‍മിച്ച് വി.കെ. പ്രകാശ് സംവിധാനം ചെയ്യുന്ന ചിത്രത്തിന്റെ ടൈറ്റില്‍ പോസ്റ്റര്‍ പുറത്തിറങ്ങി. മീര ജാസ്മിനും അശ്വിന്‍ ജോസും ഒന്നിക്കുന്ന ചിത്രത്തിന്റെ പോസ്റ്റര്‍ മീരയുടെ ജന്മദിനത്തിലാണ് പുറത്തുവിട്ടത്.
‘പാലും പഴവും’ എന്ന ഈ ചിത്രം പേര് സൂചിപ്പിക്കുന്നതുപോലെ ഒരു കംപ്ലീറ്റ് കോമഡി എന്റര്‍ടെയ്‌നറാണ്. മീര ജാസ്മിനും അശ്വിന്‍ ജോസിനും പുറമെ ശാന്തി കൃഷ്ണ, അശോകന്‍, മണിയന്‍പിള്ള രാജു, നിഷ സാരംഗ്, ആദില്‍ ഇബ്രാഹിം തുടങ്ങിയവരും പ്രധാനവേഷത്തിലെത്തുന്നു.
ഇവര്‍ക്ക് പുറമെ മിഥുന്‍ രമേഷ്, സുമേഷ് ചന്ദ്രന്‍, രചന നാരായണന്‍കുട്ടി, ഷിനു ശ്യാമളന്‍, തുഷാര, ഷമീര്‍ ഖാന്‍, ഫ്രാന്‍ങ്കോ ഫ്രാന്‍സിസ്, വിനീത് രാമചന്ദ്രന്‍, രഞ്ജിത്ത് മണമ്പ്രക്കാട്ട്, അതുല്‍ റാം കുമാര്‍, പ്രണവ് യേശുദാസ്, ആര്‍.ജെ. സൂരജ് എന്നിവരും സിനിമയുടെ ഭാഗമാകും.
ചിത്രത്തിന്റെ കഥ – തിരക്കഥ – സംഭാഷണം എന്നിവ ഒരുക്കുന്നത് ആഷിഷ് രജനി ഉണ്ണികൃഷ്ണനാണ്. ഛായാഗ്രഹണം – രാഹുല്‍ ദീപ്, എഡിറ്റര്‍ – പ്രവീണ്‍ പ്രഭാകര്‍, സംഗീതം – സച്ചിന്‍ ബാലു, ജോയല്‍ ജോണ്‍സ്, ജസ്റ്റിന്‍, ഉദയ്.
വരികള്‍ – സുഹൈല്‍ കോയ, നിതീഷ് നടേരി, വിവേക് മുഴക്കുന്ന്, ടിറ്റോ പി. തങ്കച്ചന്‍, പശ്ചാത്തല സംഗീതം – ഗോപി സുന്ദര്‍, സൗണ്ട് ഡിസൈനര്‍ – സിനോയ് ജോസഫ്, പ്രൊഡക്ഷന്‍ ഡിസൈനര്‍ – സാബു മോഹന്‍, മേക്കപ്പ് – ജിത്ത് പയ്യന്നൂര്‍, കോസ്റ്റ്യൂം – ആദിത്യ നാനു.
