കോട്ടയം: കൊവിഡ് നിരീക്ഷണത്തിലിരിക്കെ കഴിഞ്ഞ ദിവസം ആത്മഹത്യ ചെയ്ത വിദ്യാര്‍ത്ഥിനിയുടെ പരിശോധന ഫലം നെഗറ്റീവ്. പായിപ്പാട് സ്വദേശി കൃഷ്ണപ്രിയയാണ് കഴിഞ്ഞ ദിവസം നീരീക്ഷണത്തിലിരിക്കെ ആത്മഹത്യ ചെയ്തത്. റഷ്യയില്‍ എം.ബി.ബി.എസ് വിദ്യാര്‍ത്ഥിനിയായിരുന്നു കൃഷ്ണപ്രിയ.
ഇന്നലെ രാത്രിയോടെയാണ് കൃഷ്ണപ്രിയയെ വീടിനകത്ത് തൂങ്ങിമരിച്ച നിലയില്‍ കണ്ടെത്തിയത്. യുവതി ആറ് ദിവസം മുന്‍പാണ് റഷ്യയില്‍ നിന്നെത്തിയത്.
നിരീക്ഷണത്തില്‍ കഴിയുന്നതിനുള്ള സൗകര്യത്തിനായി വീട്ടിലുള്ളവര്‍ തൊട്ടടുത്തുള്ള ബന്ധുവീട്ടിലേക്ക് മാറിയിരുന്നു. ഇന്നലെ ഉച്ചവരെ കൃഷ്ണപ്രിയയുമായി ഫോണില്‍ സംസാരിച്ചിരുന്ന വീട്ടുകാര്‍ പിന്നീട് വൈകീട്ടോടെ ഫോണില്‍ വിളിച്ചിട്ട് കിട്ടാതായതോടെയാണ് അന്വേഷിച്ചെത്തിയത്.
അതേസമയം കൊവിഡ് ലക്ഷണങ്ങളൊന്നും പ്രകടിപ്പിച്ചിട്ടില്ലെന്നാണ് വീട്ടുകാര്‍ പറയുന്നത്. കൊവിഡ് നിരീക്ഷണത്തിലിരുന്നതിന്റെ മാനസിക സമ്മര്‍ദ്ദമാണോ ആത്മഹത്യയിലേക്ക് നയിച്ചത് എന്നതുള്‍പ്പെടെയുള്ള കാര്യങ്ങള്‍ പൊലീസ് പരിശോധിക്കും. മുറിയിലുണ്ടായിരുന്ന കുട്ടിയുടെ മൊബൈല്‍ ഫോണും ലാപ്ടോപും പരിശോധിക്കുമെന്നും പൊലീസ് അറിയിച്ചു.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ