കോഴിക്കോട്: രണ്ടാംഘട്ട അഭിപ്രായ സര്‍വ്വേയിലും കേരളത്തില്‍ എല്‍.ഡി.എഫ് അധികാരത്തിലെത്തുമെന്ന് പ്രവചിച്ച് മീഡിയവണ്‍-പൊളിറ്റിക്യു മാര്‍ക്ക് സര്‍വേ.
140 മണ്ഡലങ്ങളിലും സ്ഥാനാര്‍ത്ഥി നിര്‍ണയം പൂര്‍ത്തിയാക്കിയ ശേഷം നടന്ന സര്‍വേയില്‍ നാല്‍പ്പത് ശതമാനം പേരാണ് എല്‍.ഡി.എഫിന് ജയം പ്രവചിച്ചത്. യു.ഡി.എഫ് അധികാരത്തിലെത്തുമെന്ന് പ്രവചിച്ചത് 35 ശതമാനം പേരാണ്. സര്‍വേയില്‍ പങ്കെടുത്ത 11 ശതമാനം ആളുകള്‍ ബി.ജെ.പിക്ക് സാധ്യത പ്രവചിക്കുന്നുണ്ട്.
എല്‍.ഡി.എഫിന് 73- 78 വരെ സീറ്റുകള്‍ ലഭിക്കുമെന്നാണ് സര്‍വ്വേ പറയുന്നത്. 60-65 സീറ്റുകള്‍ യു.ഡി.എഫും 0-2 സീറ്റുകള്‍ എന്‍.ഡി.എക്കും ലഭിക്കും. മറ്റുള്ളവര്‍ക്ക് 0-1 സീറ്റുകളും ലഭിക്കും.
വടക്കന്‍ കേരളത്തില്‍ എല്‍.ഡി.എഫിന് 25-29 സീറ്റുവരെ ലഭിക്കുമെന്നാണ് പ്രവചനം. യു.ഡി.എഫിന് 20-23 സീറ്റുകള്‍ വരെ ലഭിക്കുമെന്നും സര്‍വ്വേ സൂചിപ്പിക്കുന്നു. എന്‍.ഡി.എയ്ക്ക് 0-1 ഉം മറ്റുപാര്‍ട്ടികള്‍ക്ക് പൂജ്യം സീറ്റുകളുമാണ് സര്‍വ്വേ പ്രവചിക്കുന്നത്.
