വ്യാജ പ്രചരണം; സി. രവിചന്ദ്രനെതിരെ മീഡിയവണ്‍ പൊലീസില്‍ പരാതി നല്‍കി
ഡൂള്‍ന്യൂസ് ഡെസ്‌ക്
Monday, 13th February 2023, 5:22 pm
കോഴിക്കോട്: സ്വതന്ത്ര ചിന്തകന്‍ സി. രവിചന്ദ്രനെതിരെ പൊലീസില്‍ പരാതി നല്‍കി മീഡിയവണ്‍ ചാനല്‍. മീഡിയവണ്ണിന്റെ സോഷ്യല്‍ മീഡിയ കാര്‍ഡില്‍ തിരുത്തലുകള്‍ വരുത്തി വ്യാജപ്രചരണം നടത്തിയെന്ന് ചൂണ്ടിക്കാണിച്ചാണ് പരാതി നല്‍കിയിരിക്കുന്നതെന്ന് മീഡിയവണ്‍ അറിയിച്ചു.
പത്താം വാര്‍ഷികാഘോഷത്തിന്റെ ഭാഗമായി ‘നേര് പറഞ്ഞ് പത്താണ്ട്’ എന്ന ടാഗ് ലൈനോടെ പുറത്തിറിക്കിയ കാര്‍ഡിലാണ് സി. രവിചന്ദ്രന്‍ മാറ്റം വരുത്തി പ്രചരിപ്പിച്ചതെന്നും ചാനല്‍ പറയുന്നു. ചാനലിന്റെ ലോഗോ ദുരുപയോഗം ചെയ്‌തെന്നും പരാതിയിലുണ്ട്.
