'എന്നാലും എന്നോട് ഈ ചതി വേണ്ടായിരുന്നു ആശാനെ'; ശ്രേയസ് അയ്യരിന്റെ വീക്ക് പോയിന്റ് പറഞ്ഞുകൊടുത്ത് ബ്രണ്ടന്‍ മക്കല്ലം; വീഡിയോ കാണാം
എന്റര്‍ടെയിന്‍മെന്റ് ഡെസ്‌ക്
Monday, 4th July 2022, 9:24 pm
ഇന്ത്യന്‍ ക്രിക്കറ്റിന്റെ ഭാവി ക്യാപ്റ്റനെന്നും മിഡില്‍ ഓര്‍ഡറിലെ കുന്തമുനയെന്നുമൊക്കെ അറിയപ്പെടുന്ന താരമാണ് ശ്രേയസ് അയ്യര്‍. എന്നാല്‍ താരത്തിന്റെ ഈ ചെറിയ കരിയറില്‍ തന്നെ അദ്ദേഹത്തിന്റെ വീക്ക് പോയിന്റെ എതിരാളികള്‍ മനസിലാക്കിയ മട്ടാണ്.
ഇന്ത്യ-ഇംഗ്ലണ്ട് മത്സരത്തിുലെ രണ്ട് ഇന്നിങ്‌സിലും ഷോട്ട് ബോളിലാണ് അയ്യര്‍ ഔട്ടായത്. താരത്തിന്റെ ഷോട്ട് ബോളുകളിലെ പരുങ്ങല്‍ നേരത്തെ തന്നെ വെളിച്ചത്ത് വന്നിട്ടുള്ളതാണ്. സ്പിന്‍ ബൗള്‌ഴ്‌സിനെ ആക്രമിച്ച് കളിക്കുന്ന താരം പക്ഷെ പേസ് ബൗളര്‍മാരുടെ മുന്നില്‍ മുട്ടിടിക്കാറാണ് പതിവ്.
ഇംഗ്ലണ്ടിനെതിരെയുള്ള രണ്ടാം ഇന്നിങിസില്‍ മൂന്ന് ബൗണ്ടറിയൊക്കെ നേടി മുന്നേറുകയായിരുന്നു അയ്യര്‍. എന്നാല്‍ ഇംഗ്ലണ്ട് കോച്ചായ മക്കല്ലം പവിലിയനിലിരുന്ന് തുടര്‍ച്ചയായി ഷോട്ട് ബോളുകള്‍ എറിയാന്‍ ആംഗ്യം കാണിക്കുന്നു.
