വാളയാര്‍ കേസുമായി ബന്ധപ്പെടുത്തി അപകീര്‍ത്തി പരാമര്‍ശം; അഡ്വ.എ ജയശങ്കറിനെതിരെ കോടതിയെ സമീപിച്ച് എം.ബി രാജേഷ്
ഡൂള്‍ന്യൂസ് ഡെസ്‌ക്
Thursday, 22nd April 2021, 8:30 am
ഒറ്റപ്പാലം: വാളയാര്‍ കേസുമായി ബന്ധപ്പെടുത്തി തനിക്കെതിരെ അപകീര്‍ത്തികരമായ പരാമര്‍ശം നടത്തിയെന്നാരോപിച്ച് അഡ്വ.എ ജയശങ്കറിനെതിരെ മുന്‍ എം.പിയും തൃത്താല എല്‍.ഡി.എഫ് സ്ഥാനാര്‍ഥിയുമായ എം.ബി രാജേഷ് കോടതിയെ സമീപിച്ചു.
ഒറ്റപ്പാലം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേട്ട് കോടതിയെയാണ് രാജേഷ് സമീപിച്ചത്. സ്വകാര്യ ചാനലില്‍ എ.ജയശങ്കര്‍ നടത്തിയ പരാമര്‍ശത്തില്‍ ക്രിമിനല്‍ വകുപ്പു പ്രകാരമുള്ള നടപടിയെടുക്കണമെന്നാവശ്യപ്പെട്ടാണ് രാജേഷ് കോടതിയെ സമീപിച്ചത്.
സംഭവത്തില്‍ രാജേഷിന്റെ വിശദമായ മൊഴിയും കോടതി രേഖപ്പെടുത്തിയിട്ടുണ്ട്. കേസില്‍ നഷ്ടപരിഹാരം ആവശ്യപ്പെട്ട് അവധി കഴിഞ്ഞാലുടന്‍ സിവില്‍ വ്യവഹാരവും ഫയല്‍ ചെയ്യുമെന്ന് എം.ബി രാജേഷ് മാധ്യമങ്ങളോട് പറഞ്ഞു.
