ഐ.എസ് ഭീകരരെ പോലെയാണ് റഷ്യന്‍ സേന; ഉക്രൈന്‍ മേയറെ തട്ടിക്കൊണ്ടുപോയി: സെലന്‍സ്‌കി
ഡൂള്‍ന്യൂസ് ഡെസ്‌ക്
Saturday, 12th March 2022, 7:52 am
കീവ്: ഉക്രൈനിന്റെ തെക്കന്‍ നഗരമായ മെലിറ്റോപോളിലെ മേയറെ റഷ്യന്‍ സേന തട്ടിക്കൊണ്ടുപോയതായി ഉക്രൈന്‍.
മെലിറ്റോപോള്‍ മേയര്‍ ഇവാന്‍ ഫെഡറോവിനെ തട്ടിക്കൊണ്ടുപോയ വിവരം പ്രസിഡന്റ് വൊളോഡിമിര്‍ സെലന്‍സ്‌കിയാണ് വെള്ളിയാഴ്ച പുറത്തുവിട്ടത്. മെലിറ്റോപോള്‍ റഷ്യന്‍ സേന കീഴടക്കിയതായും സെലന്‍സ്‌കി പറഞ്ഞു.
”10 പേരടങ്ങുന്ന സംഘം മെലിറ്റോപോള്‍ മേയര്‍ ഇവാന്‍ ഫെഡറോവിനെ തട്ടിക്കൊണ്ടുപോയി. ശത്രുക്കളുമായി സഹകരിക്കുന്നതിന് അദ്ദേഹം വിസമ്മതിച്ചു,” ഉക്രൈന്‍ പാര്‍ലമെന്റിന്റെ ട്വിറ്റര്‍ അക്കൗണ്ടില്‍ കുറിച്ചു.
”ഉക്രൈനെയും തന്റെ കമ്മ്യൂണിറ്റിയിലുള്ളവരെയും ധൈര്യസമേതം സംരക്ഷിച്ചിരുന്ന മേയര്‍,” ഫെഡറോവിനെ തട്ടിക്കൊണ്ടുപോയ വിവരം സ്ഥിരീകരിച്ചുകൊണ്ട് സെലന്‍സ്‌കി കൂട്ടിച്ചേര്‍ത്തു.
