കോര്‍പ്പറേഷന്‍ ഹാളില്‍ കിടന്ന് ബി.ജെ.പി അംഗങ്ങള്‍, മറികടന്ന് ഡയസിലെത്തി ആര്യാ രാജേന്ദ്രന്‍; നാടകീയരംഗങ്ങള്‍
ഡൂള്‍ന്യൂസ് ഡെസ്‌ക്
Friday, 22nd October 2021, 3:48 pm
തിരുവനന്തപുരം: തിരുവനന്തപുരം കോര്‍പ്പറേഷനില്‍ നാടകീയരംഗങ്ങള്‍. നികുതി വെട്ടിപ്പ് ആരോപിച്ച് കൗണ്‍സില്‍ യോഗത്തിന് ബി.ജെ.പി അംഗങ്ങള്‍ ഹാളില്‍ കിടന്ന് പ്രതിഷേധിച്ചു.
പ്രതിഷേധക്കാരെ മറികടന്ന് മേയര്‍ ആര്യാ രാജേന്ദ്രനടക്കമുള്ളവര്‍ ഹാളില്‍ പ്രവേശിച്ചു. കൗണ്‍സില്‍ യോഗം അവസാനിച്ച് സഭ പിരിഞ്ഞു.
കഴിഞ്ഞ 23 ദിവസമായി കോര്‍പ്പറേഷനിലെ നികുതി തട്ടിപ്പുമായി ബന്ധപ്പെട്ട് പ്രതിഷേധസമരം നടത്തുകയാണ്. മേയര്‍ കടന്നുവരുന്ന വഴിയിലും പ്രതിഷേധക്കാര്‍ കിടന്നതോടെ ഇവരെ മറികടന്നാണ് ഡയസിലെത്തിയത്.
തീര്‍ത്തും അപ്രതീക്ഷിതമായാണ് ബി.ജെ.പി കൗണ്‍സിലര്‍മാര്‍ കിടന്ന് പ്രതിഷേധസമരം സംഘടിപ്പിച്ചത്.
