ഫിഫ ലോകകപ്പ് ഖത്തർ എഡിഷനിൽ കിരീടം സ്വന്തമാക്കാൻ സാധിച്ചതോടെ ലോക ഫുട്ബോളിന്റെ നെറുകയിലേക്ക് വീണ്ടും ഉയർന്നിരിക്കുകയാണ് അർജന്റൈൻ ടീം. മെസിയുടെ നേതൃത്വത്തിൽ മൂന്നാം ലോകകിരീടം സ്വന്തമാക്കാൻ സാധിച്ചതോടെ ടീമിന് 36 വർഷങ്ങൾക്ക് ശേഷം വീണ്ടും ഫുട്ബോളിലെ വിശ്വകിരീടം കൈവശം വെക്കാൻ സാധിച്ചു.
എന്നാലിപ്പോൾ അർജന്റീന ക്യാമ്പിന് തിരിച്ചടിയാകാൻ സാധ്യതയുള്ള ഒരു വാർത്ത പുറത്ത് വരുന്നുണ്ട്. അർജന്റൈൻ ടീമിന്റെ മാഞ്ചസ്റ്റർ യുണൈറ്റഡ് യുവതാരമായ അലജാന്ദ്രോ ഗെർണാച്ചോ അർജന്റീന വിട്ട് സ്പെയ്നിലേക്ക് ചേക്കേറുമെന്നാണ് പുറത്ത് വരുന്ന റിപ്പോർട്ടുകൾ.
സ്പോർട്സ് ബൈബിളാണ് വാർത്ത റിപ്പോർട്ട് ചെയ്തിരിക്കുന്നത്.
അർജന്റീനയുടെ ലോകകപ്പ് സ്‌ക്വാഡിൽ സ്ഥാനം പിടിക്കാൻ കഴിയാതെ അവസാന നിമിഷം പുറത്തായത് താരത്തിന് വലിയ തിരിച്ചടിയായിരുന്നു.
അർജന്റീനയിൽ കളിക്കുന്നെങ്കിലും താരം ജനിച്ചതും വളർന്നതും സ്പെയ്നിലായിരുന്നു. ഗെറ്റാഫെ, അത് ലറ്റിക്കോ മാഡ്രിഡ്‌ എന്നീ സ്പാനിഷ് ടീമുകളുടെ അക്കാദമിയിലൂടെ കളി പഠിച്ച താരം സ്പെയ്ന്റെ അണ്ടർ-18 ടീമിൽ കളിച്ചിരുന്നു. പിന്നീടാണ് താരം അർജന്റീനയുടെ അണ്ടർ-20 ടീമിലേക്ക് മാറിയത്.
അർജന്റീനക്കാരിയായ മാതാവിന്റെ താൽപര്യ പ്രകാരമാണ് താരം അർജന്റൈൻ ടീമിലേക്ക് മാറിയതെന്നാണ് പുറത്ത് വരുന്ന റിപ്പോർട്ടുകൾ.
എന്നാൽ സീനിയർ ടീമിൽ ഇടം പിടിക്കാൻ സാധിച്ചെങ്കിലും ദേശീയ ടീമിനായി കളിക്കാൻ സാധിക്കാത്തതിനാലാണ് താരം സ്പെയിനിലേക്ക് ചേക്കേറാൻ ഉദ്ദേശിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.
മാഞ്ചസ്റ്റർ യുണൈറ്റഡിനായി മിന്നും ഫോമിൽ കളിക്കുന്ന താരത്തെ ടീമിലെത്തിക്കാൻ സ്പെയ്നും താൽപര്യമുണ്ട്. എന്നാൽ മികച്ച സ്പീഡും ഫിനിഷിങ്ങുമുള്ള താരത്തെ ടീമിലെത്തിക്കാൻ സ്പെയ്ൻ താൽപര്യം പ്രകടിപ്പിക്കുന്നത് അർജന്റീനക്ക് തിരിച്ചടിയാണ്.
അതേസമയം മാഞ്ചസ്റ്റർ യുണൈറ്റഡിനായി ഇതുവരെ മൂന്ന് ഗോളുകളാണ് ഗെർണാച്ചോ സ്കോർ ചെയ്തത്.
23 മത്സരങ്ങളിൽ നിന്നും 14 വിജയങ്ങളോടെ 46 പോയിന്റുമായി മൂന്നാം സ്ഥാനത്താണ് പ്രീമിയർ ലീഗിൽ നിലവിൽ യുണൈറ്റഡ്.
ഫെബ്രുവരി 19ന് ലെസ്റ്റർ യുണൈറ്റഡിനെതിരെയാണ് യുണൈറ്റഡിന്റെ അടുത്ത മത്സരം.
Content Highlights: maybe Alejandro Garnacho changed his national team