വിട്ടുകളയുകയാണ്, അല്ലെങ്കില്‍ ഞാനൊരു മോശം കളിക്കാരനാണെന്ന് മുദ്ര കുത്തും, മാച്ച് ഫീസും തരില്ല; വിവാദത്തിന് പിന്നാലെ മായങ്ക് അഗര്‍വാള്‍
സ്പോര്‍ട്സ് ഡെസ്‌ക്
Monday, 27th December 2021, 9:42 pm
ദക്ഷിണാഫ്രിക്കയ്‌ക്കെതിരായ പരമ്പരയില്‍ ഇന്ത്യന്‍ ഓപ്പണര്‍ മായങ്ക് അഗര്‍വാളിന്റെ പുറത്താവല്‍ ഏറെ വിവാദങ്ങള്‍ക്ക് വഴിയൊരുക്കിയിരുന്നു. അര്‍ധ സെഞ്ച്വറി നേടിയ മായങ്ക്, വിക്കറ്റിന് മുന്നില്‍ കുടുങ്ങിയാണ് പുറത്താവുന്നത്.
എന്നാല്‍ മായങ്കിന്റെത് എല്‍.ബി.ഡബ്ല്യു അല്ലെന്ന് റിപ്ലേകളില്‍ വ്യക്തമായതോടെയാണ് വിവാദങ്ങള്‍ക്ക് തുടക്കമായത്. എന്നാല്‍, കൂടുതല്‍ പരിശേധനകള്‍ക്ക് ശേഷം അംപയര്‍ ഔട്ട് വിളിക്കുകയായിരുന്നു.
ഇതേക്കുറിച്ച് പറയുകയാണ് താരമിപ്പോള്‍.
60 റണ്‍സുമായി ടീമിന്റെ നില ഭദ്രമാക്കുകയായിരുന്ന മായങ്കിനെതിരായ എല്‍.ബി.ഡബ്ല്യു അപ്പീല്‍ ആദ്യം അംപയര്‍ അംഗീകരിച്ചിരുന്നില്ല. തുടര്‍ന്ന് പ്രോട്ടീസ് ക്യാപ്റ്റന്‍ എല്‍ഗര്‍ റിവ്യൂവിന് പോയതോടെയാണ് മായങ്ക് ‘ഔട്ടായി’ മടങ്ങിയത്.