ക്യാച്ച് എടുത്ത ആള്‍ വരെ ഞെട്ടിപോയി; രോഹിത്തിനെ പുറത്താക്കിയ പെട ക്യാച്ച്
സ്പോര്‍ട്സ് ഡെസ്‌ക്
Wednesday, 27th September 2023, 10:33 pm
ഇന്ത്യ-ഓസ്‌ട്രേലിയ മൂന്നാം ഏകദിന മത്സരത്തില്‍ ഓസീസ് ത്രസിപ്പിക്കുന്ന വിജയം സ്വന്തമാക്കിയിരിക്കുകയാണ്. 66 റണ്‍സിനായിരുന്നു കങ്കാരുപ്പടയുടെ വിജയം. ആദ്യം ബാറ്റ് ചെയ്ത ഓസീസ് ഉയര്‍ത്തിയ 353 റണ്‍സിന്റെ ടാര്‍ഗറ്റ് പിന്തുടര്‍ന്ന ഇന്ത്യ 286 റണ്‍സില് ഓള്‍ഔട്ടാകുകയായിരുന്നു.
നാല് വിക്കറ്റ് നേടിയ പാര്‍ട്ട് ടൈം സ്പിന്നര്‍ ഗ്ലെന്‍ മാക്‌സ്‌വെല്ലാണ് മത്സരത്തിലെ താരം. രോഹിത് ശര്‍മ, വാഷിങ്ട്ണ്‍ സുന്ദര്‍, വിരാട് കോഹ്‌ലി, ശ്രേയസ് അയ്യര്‍ എന്നീ നാല് ബാറ്റര്‍മാരെയാണ് മാക്‌സ്‌വെല്‍ പുറത്താക്കിയത്.
മികച്ച രീതിയില്‍ ബാറ്റ് ചെയ്ത നായകന്‍ രോഹിത് ശര്‍മയെ മാക്‌സ്‌വെല്‍ പുറത്താക്കിയ ക്യാച്ചാണ് ഇപ്പോള്‍ ചര്‍ച്ചയാകുന്നത്. ബൗളിങ് എന്‍ഡില്‍ നിന്നും ക്യാച്ചെടുത്താണ് മാക്‌സ്‌വെല്‍ അദ്ദേഹത്തെ പുറത്താക്കിയത്.
