മാവോയിസ്റ്റ് നേതാവ് ഡാനിഷ് പിടിയില്‍
ഡൂള്‍ന്യൂസ് ഡെസ്‌ക്
Friday, 5th October 2018, 10:27 am
അട്ടപ്പാടി: മാവോയിസ്റ്റ് നേതാവ് ഡാനിഷ് കൃഷ്ണ (28) പൊലീസ് പിടിയില്‍. അട്ടപ്പാടിയില്‍ വെച്ചാണ് ഡാനിഷിനെ പൊലീസ് പിടികൂടിയത്. പിടികിട്ടാപ്പുള്ളികളുടെ പട്ടികയിലുള്ള ഡാനിഷ് കോയമ്പത്തൂര്‍ സ്വദേശിയാണ്.
പീപ്പിള്‍സ് ലിബറേഷന്‍ വിഭാഗത്തിലുള്ള ഡാനിഷ് അട്ടപ്പാടി കേന്ദ്രമാക്കിയുള്ള ഭവാനി, വയനാട്ടിലെ കബനി ദലങ്ങളില്‍ സജീവമാണെന്നു പൊലീസ് പറഞ്ഞു. പുലര്‍ച്ചെ ഭൂതയാര്‍ ഊരില്‍ നിന്നു ഇയാളെ അഗളി എസ്.പിയുടെ നേതൃത്വത്തിലുള്ള സംഘം പിടികൂടുകയായിരുന്നു.
ഡാനിഷിനെ പാലക്കാട് കല്ലേക്കാട് എ.ആര്‍ ക്യാമ്പില്‍ ജില്ലാ പൊലീസ് മേധാവി ദബേഷ് കുമാറിന്റെ നേതൃത്വത്തില്‍ ചോദ്യം ചെയ്യുകയാണ്.