ഇനി കളി മാറും; മാത്യു ഹെയ്ഡന്‍ പാകിസ്താന്‍ കോച്ച്
സ്പോര്‍ട്സ് ഡെസ്‌ക്
Monday, 13th September 2021, 4:38 pm
ലാഹോര്‍: ആസ്‌ട്രേലിയന്‍ മുന്‍ താരം മാത്യു ഹെയ്ഡനെ പാകിസ്താന്‍ ക്രിക്കറ്റ് ടീമിന്റെ പരിശീലകനായി തെരഞ്ഞെടുത്തു. ദക്ഷിണാഫ്രിക്കന്‍ മുന്‍ താരം വെര്‍നണ്‍ ഫിന്‍ലാന്‍ഡറേയും പരിശീലക ടീമിലേക്ക് തെരഞ്ഞെടുത്തിട്ടുണ്ട്.
കഴിഞ്ഞ ദിവസം പി.സി.ബി ചെയര്‍മാനായി നിയമിതനായ റമീസ് രാജയുടേതാണ് അപ്രതീക്ഷിത തീരുമാനം. ടി-20 ലോകകപ്പില്‍ കൂടുതല്‍ അഗ്രസീവായ പ്രകടനം ടീം നടത്തുമെന്നും അതിനായാണ് പുതിയ നിയമനമെന്നും റമീസ് പ്രതികരിച്ചു.
‘ലോകകപ്പുകളില്‍ ജയിച്ച് പരിചയമുള്ള താരമാണ് ഹെയ്ഡന്‍. ഒരു ആസ്‌ട്രേലിയന്‍ താരം ടീമിനൊപ്പമുണ്ടാകുന്നത് മുതല്‍ക്കൂട്ടാണ്,’ റമീസ് രാജ പറഞ്ഞു.
ഫിന്‍ലാന്‍ഡറെ തനിക്ക് നന്നായി അറിയാമെന്നും ആസ്‌ട്രേലിയയ്‌ക്കെതിരെ മികച്ച റെക്കോഡുള്ള താരത്തിന്റെ സേവനം ടീമിന്റെ ബൗളിംഗിനെ മെച്ചപ്പെടുത്തുമെന്നും അദ്ദേഹം പറഞ്ഞു.
