'എനിക്ക് മലയാളം പറയാനും അറിയാം വേണ്ടി വന്നാല്‍ രണ്ട് തെറി പറയാനുമറിയാം'; ലൂസിഫറിലെ മാസ് ഡയലോഗ് പറഞ്ഞ് അര്‍ജുന്‍ ദാസ്; വീഡിയോ
എന്റര്‍ടെയിന്‍മെന്റ് ഡെസ്‌ക്
Tuesday, 26th January 2021, 5:47 pm
ചെന്നൈ:ലോകേഷ് കനകരാജ് സംവിധാനം ചെയ്ത കൈദി എന്ന ചിത്രത്തിലൂടെ മലയാളികള്‍ അടക്കമുള്ളവരുടെ ഇഷ്ട താരമാണ് അര്‍ജുന്‍ ദാസ്. വിജയ് നായകനായ മാസ്റ്റര്‍ സിനിമയിലെ അര്‍ജുന്റെ റോളും ഏറെ ശ്രദ്ധിക്കപ്പെട്ടിരുന്നു.
ഇപ്പോഴിതാ മലയാളികളെ മാസ് ഡയലോഗ് പറഞ്ഞ് ഞെട്ടിച്ചിരിക്കുകയാണ് അര്‍ജുന്‍ ദാസ്. മലയാളത്തിന്റെ സ്വന്തം മോഹന്‍ലാല്‍ അഭിനയിച്ച ലൂസിഫറിലെ ഡയലോഗ് ആണ് അര്‍ജുന്‍ ദാസ് പറഞ്ഞിരിക്കുന്നത്.
ലൂസിഫറിലെ ടോവിനോ തോമസ് പറയുന്ന ഡയലോഗുകള്‍ ആണ് അര്‍ജുന്‍ പറയുന്നത്, എനിക്ക് മലയാളം സംസാരിക്കാനും അറിയാം വേണ്ടി വന്നാല്‍ നല്ല തെറി പറയാനും അറിയാം എന്ന ഡയലോഗാണ് അര്‍ജുന്‍ പറഞ്ഞത്.
