മറിയം ഷക്കീറ നിക്ഷേപ സൗഹൃദ കേരളത്തിന്റെ തെളിവ്; സംരംഭകയെ പരിചയപ്പെടുത്തി പി. രാജീവ്
ഡൂള്‍ന്യൂസ് ഡെസ്‌ക്
Saturday, 21st January 2023, 7:13 pm
കൊച്ചി: സംസ്ഥാന സര്‍ക്കാരിന്റെ സംരംഭകവര്‍ഷം പദ്ധതിയുടെ ഭാഗമായി സംരംഭങ്ങളാരംഭിച്ച 10,000 സംരംഭകരാണ് ശനിയാഴ്ച കൊച്ചി കലൂര്‍ അന്താരാഷ്ട്ര സ്റ്റേഡിയം മൈതാനിയില്‍ ഒത്തുകൂടിയത്.
മുഖ്യമന്ത്രി പിണറായി വിജയന്‍ ഉദ്ഘാടനം ചെയ്ത പരിപാടിയുടെ അധ്യക്ഷത വഹിച്ചത് വ്യവസായ വകുപ്പ് മന്ത്രി പി. രാജീവാണ്. പരിപാടിയില്‍ പങ്കെടുത്ത ഒരു യുവ സംരംഭകയെ പരിചയപ്പെടുത്തുകയാണിപ്പോള്‍ പി. രാജീവ്.
ന്യൂട്രി മിക്‌സ് ഉല്‍പന്നങ്ങള്‍ മാര്‍ക്കറ്റിലിറക്കെത്തിച്ച മറിയം ഷക്കീറ എന്ന കാസര്‍ഗോഡ് സ്വദേശിനിയെയാണ് മന്ത്രി പി. രാജീവ് പരിചയപ്പെടുത്തുന്നത്. ഫേസ്ബുക്ക് കുറിപ്പിലൂടെയായിരുന്നു മന്ത്രിയുടെ പ്രതികരണം.
‘കാസര്‍ഗോഡ് ബദിയടുക്കയില്‍ നിന്നുള്ള മറിയം ഷക്കീറ ഏതാനും മാസങ്ങള്‍ മുന്‍പ് വരെ ഒരു സാധാരണ പെണ്‍കുട്ടി മാത്രമായിരുന്നു. എന്നാല്‍ ഇന്ന് നാടിന്റെ അഭിമാനമായ സംരംഭകയാണ് അവര്‍.
