ന്യൂദല്‍ഹി: മാരുതി വാഗണ്‍ ആര്‍ ഫേസ്‌ലിഫ്റ്റ് വിപണിയിലെത്തി. മാരുതി സുസൂക്കിയുടെ ഏറ്റവും ജനപ്രിയ മോഡലുകളിലൊന്നാണ് വാഗണ്‍ ആര്‍. ഗ്രില്ലിന്റെ മുകള്‍ ഭാഗം സ്ലിം ആയാണ് പുതിയ മോഡല്‍ എത്തിയിരിക്കുന്നത്.[]
ആകര്‍ഷണീയമായ മുകള്‍ ഭാഗമാണ് മറ്റൊരു പ്രത്യേകത. യു.എസ്.ബിയോടു കൂടിയ മ്യൂസിക് സംവിധാനം, എല്‍എക്‌സ്, എല്‍എക്‌സ്‌ഐ വേര്‍ഷനുകളില്‍ മെച്ചപ്പെടുത്തിയ സീറ്റുകള്‍ എന്നീ പ്രത്യേകതകളുമുണ്ട്.
പെട്രോള്‍, എല്‍.പി.ജി, സി.എന്‍.ജി വാരിയന്റുകളിലായാണ് വാഗണ്‍ പുറത്തിറങ്ങിയിരിക്കു്ന്നത്. എല്‍എക്‌സ്-3.58 ലക്ഷം, എല്‍.എക്സ്.ഐ- 4.12 ലക്ഷം, വിഎക്‌സ്‌ഐ-4.39 ലക്ഷം, എല്‍എക്‌സ്‌ഐ സിഎന്‍ ജി-4.69 ലക്ഷം എന്നിങ്ങനെയാണു മുംബൈ എക്‌സ്‌ഷോറൂം വില.
1999 ലാണ് മാരുതി സുസൂക്കി വാഗണ്‍ ആര്‍ അവതരിപ്പിക്കുന്നത്. ഇതുവരെ വാഗണ്‍ ആറിന് മൂന്ന് അപ്‌ഗ്രേഡുകളാണ് ഉണ്ടായിരിക്കുന്നത്. 2003, 2006, 2010 എന്നീ വര്‍ഷങ്ങളിലായിരുന്നു ഇത്.