ലഖ്നൗ കോടതിയില്‍ നേരിട്ട് ഹാജരാകണം; ലുലു ഗ്രൂപ്പിനെതിരായ വ്യാജ വാര്‍ത്താ ആരോപണത്തില്‍ മറുനാടന്‍ ടീമിന് സമന്‍സ്
ഡൂള്‍ന്യൂസ് ഡെസ്‌ക്
Wednesday, 3rd May 2023, 8:46 am
കോഴിക്കോട്: വ്യാജ വാര്‍ത്താ ആരോപണത്തില്‍ മറുനാടന്‍ മലയാളിയുടെ എഡിറ്റര്‍ ഷാജന്‍ സ്‌കറിയക്ക് ഗുജറാത്തിലെ ലഖ്നൗ കോടതിയുടെ സമന്‍സ്. മലയാളി വ്യവസായി യൂസഫലി, ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ മകന്‍ വിവേക് ഡോവല്‍ എന്നിവര്‍ക്കെതിരെ വ്യാജ ആരോപണങ്ങള്‍ ഓണ്‍ലൈന്‍ ചാനലിലൂടെ ഉന്നയിച്ചെന്ന പരാതിയിലാണ് കോടതി സമന്‍സ് അയച്ചിരിക്കുന്നത്.
ഷാജന്‍ സ്‌കറിയയെ കൂടാതെ മറുനാടന്‍ മലയാളിയുടെ സി.ഇ.ഒ ആന്‍ മേരി ജോര്‍ജ്, ഗ്രൂപ്പ് എഡിറ്റര്‍ റിജു എന്നിവര്‍ക്കും കോടതി സമന്‍സ് അയച്ചിട്ടുണ്ട്. ഈ മൂന്ന് പേരും
ജൂണ്‍ ഒന്നിന് ലഖ്‌നൗവിലെ കോടതിയില്‍ നേരിട്ട് ഹാജരാകണം എന്നാണ് നിര്‍ദേശം.
