മണാലി: നീണ്ട വിവാദങ്ങള്‍ക്ക് ഇടവേള നല്‍കി നടി കങ്കണ റണൗത്ത് കുടുംബകാര്യങ്ങളിലേക്ക് ശ്രദ്ധ തിരിക്കുന്നു. നടിയുടെ കുടുംബത്തില്‍ രണ്ടു വിവാഹങ്ങളാണ് അടുത്ത മൂന്നാഴ്ചക്കുള്ളില്‍ നടക്കുന്നത്. ഇളയ സഹോദരന്‍ അക്ഷതിന്റെയും കസിനായ കരണിന്റെയും വിവാഹമാണ് നടക്കാന്‍ പോവുന്നത്.
അനിയന്‍ അക്ഷതിന്റെ വിവാഹത്തിനു മുന്നോടിയായുള്ള ചടങ്ങിന്റെ വീഡിയോ നടി കഴിഞ്ഞ ദിവസം ട്വിറ്ററില്‍ പങ്കു വെച്ചിരുന്നു. പിന്നാലെ കരണിന്റെ ഹല്‍ദി ചടങ്ങിന്റെയും വീഡിയോ നടി പങ്കു വെച്ചിട്ടുണ്ട്.
പത്തു വര്‍ഷത്തിനു ശേഷമാണ് തന്റെ കുടുംബത്തില്‍ ഒരു വിവാഹം നടക്കുന്നതെന്ന് കങ്കണ പറയുന്നു. ഹിമാചലിലെ തന്റെ വീട്ടില്‍ നടക്കുന്ന ആഘോഷങ്ങളുടെ വീഡിയോകള്‍ നടി പങ്കു വെക്കുന്നുണ്ട്. ജയലളിതയുടെ ബയോപിക്കായ തലൈവിയുടെ ഷൂട്ടിംഗിന്റെ ഒരു ഷെഡ്യൂള്‍ പൂര്‍ത്തിയാക്കിയ ശേഷം കഴിഞ്ഞ ദിവസമാണ് കങ്കണ വീട്ടിലെത്തിയത്.
After Rangoli’s wedding for more than a decade there was no wedding in the family all thanks to me but today my brothers Karan and Aksht broke the jinx and our ancestral house is drowned in wedding festivities, two weddings in three weeks starting with Karan ki Haldi today 🧡 pic.twitter.com/9SCl95c2OG
— Kangana Ranaut (@KanganaTeam) October 20, 2020
