പി.എസ്.ജിയില്‍ ഒഴിച്ചുകൂടാനാകാത്ത താരമാണ് അദ്ദേഹം, തിരികെ വന്ന് ഞങ്ങളെ സഹായിക്കുമെന്ന് കരുതുന്നു: മാര്‍ക്വിഞ്ഞോസ്
സ്പോര്‍ട്സ് ഡെസ്‌ക്
Monday, 24th July 2023, 9:31 am
ഫ്രഞ്ച് വമ്പന്‍ ക്ലബ്ബായ പി.എസ്.ജി ടോക്കിയോയില്‍ തങ്ങളുടെ പ്രീ സീസണ്‍ തയ്യാറെടുപ്പുകള്‍ ആരംഭിച്ചെങ്കിലും ശ്രദ്ധ മുഴുവന്‍ സൂപ്പര്‍ താരം കിലിയന്‍ എംബാപ്പെയുടെ ക്ലബ്ബിലെ ഭാവിയിലാണ്. ക്ലബ്ബ് ട്രാന്‍സ്ഫര്‍ വിഷയത്തെ ചൊല്ലിയുണ്ടായ തര്‍ക്കത്തെ തുടര്‍ന്ന് എംബാപ്പെയെ ജപ്പാനിലേക്കുള്ള പ്രീ സീണണ്‍ ട്രിപ്പില്‍ പി.എസ്.ജി ഉള്‍പ്പെടുത്തിയിരുന്നില്ല.
ടോക്കിയോയില്‍ വെച്ച് ടീം പി.എസ്.ജി മാധ്യമങ്ങളോട് സംസാരിച്ചിരുന്നു. എംബാപ്പെ വിഷയത്തില്‍ അദ്ദേഹത്തിന്റെ വാചകങ്ങള്‍ ശ്രദ്ധ നേടുകയാണിപ്പോള്‍. എംബാപ്പെ ഒരു അസാധാരണ കളിക്കാരനാണെന്നും പി.എസ്.ജിയിലെ നിര്‍ണായക താരമാണെന്നും മാര്‍ക്വിഞ്ഞോസ് പറഞ്ഞു. അതുകൊണ്ട് അദ്ദേഹം ക്ലബ്ബില്‍ തുടരുമെന്ന തീരുമാനത്തിലെത്തി തങ്ങളെ സഹായിക്കാന്‍ തിരികെയെത്തുമെന്ന പ്രതീക്ഷയുണ്ടെന്നും മാര്‍ക്വിഞ്ഞോസ് പറഞ്ഞു.
