ആഹാ... ഇങ്ങനെയും ഔട്ടാവാമല്ലേ!; ക്രിക്കറ്റ് ലോകത്തെ ചിരിപ്പിച്ച് ലബുഷാന്റെ പുറത്താവല്‍
സ്പോര്‍ട്സ് ഡെസ്‌ക്
Friday, 14th January 2022, 5:45 pm
ടെസ്റ്റ് മത്സരങ്ങളില്‍ ഓസീസിന്റെ വിശ്വസ്തനായി മാറിയിരിക്കുന്ന താരമാണ് മാര്‍കസ് ലബുഷാന്‍. 2021ല്‍, പ്രത്യേകിച്ച് ഇംഗ്ലണ്ടിനെതിരായ ആഷസ് പരമ്പരയില്‍ മികച്ച പ്രകടനമാണ് താരം നടത്തിയിട്ടു്ത്.
ഓസീസിന്റെ തന്നെ സ്റ്റീവ് സ്മിത്തിന്റെ ബാറ്റിംഗ് ശൈലിയോടാണ് ആരാധകര്‍ ലബുഷാന്റെ ബാറ്റിംഗിനെ ഉപമിക്കാറുള്ളത്. എന്നാല്‍, ലബുഷാന്റെ പുറത്താവലാണ് ക്രിക്കറ്റ് ലോകത്തെ ഇപ്പോഴത്തെ ചര്‍ച്ചാ വിഷയം.
ഇംഗ്ലണ്ടിനെതിരായ അഞ്ചാം ടെസറ്റിലാണ് ഏവരെയും ചിരിപ്പിച്ച ലബുഷാന്റെ വിക്കറ്റ് പിറന്നത്. 44 റണ്‍സെടുത്ത് മികച്ച ഫോമില്‍ തുടരവെയാണ് താരം ഔട്ടാവുന്നത്.
നിലവില്‍ 241 റണ്‍സിന് 6 വിക്കറ്റ് എന്ന നിലയിലാണ് ഓസീസ്. ആദ്യ മൂന്നും ടെസ്റ്റും ഏകപക്ഷീയമായാണ് കങ്കാരുക്കള്‍ വിജയിച്ചത്. നാലാം ടെസ്റ്റ് സമനിലയില്‍ അവസാനിക്കുകയായിരുന്നു. അവസാന മത്സരത്തിലെങ്കിലും വിജയിച്ച് മുഖം രക്ഷിക്കാനാണ് ഇംഗ്ലണ്ട് ശ്രമിക്കുന്നത്.