കോഴിക്കോട്:മാരി 2 വിന്റെ പോസ്റ്ററും ട്രെയിലറും ആരാധകരുടെ മനം കവര്‍ന്നതിന് പുറകേ ബാഷയിലെ ഹിറ്റ് ഗാനത്തിന്റെ റീമിക്‌സുമായി എത്തിയിരിക്കുകയാണ് മാരി ടീം.
ചിത്രത്തിന്റെ മേക്കിങ്ങ് വിഡിയോയില്‍ രജനീകാന്തിന്റെ ഹിറ്റ് ഗാനം നാന്‍ ഓട്ടോകാരന്റെ റീമിക്‌സ് ചേര്‍ത്തുള്ള വിഡിയോയാണ് മാരി ടീം പുറത്തിറക്കിയത്. നായകന്‍ ധനുഷ് തന്നെയാണ് തന്റെ ഫേസ്ബുക്ക് പേജിലൂടെ പാട്ട് പുറത്ത് വിട്ടത്.
ടൊവീനോ തോമസാണ് ചിത്രത്തിലെ വില്ലന്‍. വ്യത്യസ്ത ഗെറ്റപ്പിലുള്ള സുന്ദരനായ വില്ലനെയാണ് ടൊവീനോ അവതരിപ്പിക്കുന്നത്. സായ് പല്ലവിയാണ് ചിത്രത്തിലെ നായിക.
Also Read: ഹര്‍ത്താല്‍ ജനവികാരം എതിരാക്കി; ബി.ജെ.പി യോഗങ്ങളില്‍ ശ്രീധരന്‍ പിള്ളക്ക് രൂക്ഷവിമര്‍ശനം
അറാത് ആനന്ദി” എന്നാണ് സായ് പല്ലവിയുടെ കഥാപാത്രത്തിന്റെ പേര്. ഓട്ടോ ഡ്രൈവറാണ് കഥാപാത്രം. ഡിസംബര്‍ 21 ന് ചിത്രം ലോകവ്യാപകമായി റിലീസ് ചെയ്യും. 2015ല്‍ പുറത്തിറങ്ങിയ മാരിയുടെ രണ്ടാം ഭാഗമാണ് ചിത്രം. വണ്ടര്‍ബാര്‍ ഫിലിംസിന്റെ ബാനറില്‍ ധനുഷ് തന്നെയാണ് മാരി 2 നിര്‍മ്മിക്കുന്നത്. യുവന്‍ ശങ്കര്‍ രാജയുടേതാണ് സംഗീതം.
ജഡ പിടിച്ച മുടിയുമായി ബീജ എന്ന് വിളിപ്പേരുള്ള കട്ട വില്ലനായാണ് ടൊവിനോ ചിത്രത്തിലെത്തുന്നത്. ബാലാജി മോഹന്‍ സംവിധാനം ചെയ്ത ചിത്രം വണ്ടര്‍ ബാര്‍ ഫിലിംസിന്റെ ബാനറില്‍ ധനുഷ് തന്നെയാണ് നിര്‍മ്മിച്ചിരിക്കുന്നത്.