മരക്കാര്‍ ക്ലൈമാക്സ് ചോര്‍ന്നു; ദൃശ്യങ്ങള്‍ യൂട്യൂബില്‍
എന്റര്‍ടെയിന്‍മെന്റ് ഡെസ്‌ക്
Thursday, 2nd December 2021, 7:36 pm
മോഹന്‍ലാല്‍-പ്രിയദര്‍ശന്‍ കൂട്ടുകെട്ടിലിറങ്ങിയ ബ്രഹ്‌മാണ്ഡ ചിത്രം മരക്കാര്‍: അറബിക്കടലിന്റെ സിംഹം സിനിമയുടെ ക്ലൈമാക്സ് അടക്കമുള്ള ദൃശ്യങ്ങള്‍ ചോര്‍ന്നു.
ഡിസംബര്‍ രണ്ടിന് ചിത്രം റിലീസ് ചെയ്ത് മണിക്കൂറുകള്‍ക്കുള്ളിലാണ് ക്ലൈമാക്സ് രംഗങ്ങള്‍ യുട്യൂബ് ചാനല്‍ വഴി പുറത്തുവിട്ടത്.
തിയേറ്ററില്‍ നിന്നും മൊബൈല്‍ ഫോണില്‍ ചിത്രീകരിച്ച രീതിയിലുള്ള അവ്യക്തമായ രംഗങ്ങളാണ് പ്രചരിക്കുന്നത്. നായകന്‍ മോഹന്‍ലാലിന്റെയും മറ്റ് താരങ്ങളുടെയും സിനിമയിലെ ആമുഖ രംഗങ്ങളും ഇത്തരത്തില്‍ ചോര്‍ന്നിട്ടുണ്ട്.
