മലയാളത്തിലെ ആദ്യത്തെ പൊളിറ്റിക്കല്‍ ഹിപ്പ് ഹോപ്പ് മ്യൂസിക്ക് വീഡിയോ ആയ “നാറ്റീവ് ബാപ്പയിലൂടെ” ശ്രദ്ധേയരായ മാപ്പിള ലഹള ടീമിന്റെ പുതിയ ആല്‍ബം “ഫ്യൂണറല്‍ ഓഫ് എ നാറ്റീവ് സണ്‍” യൂട്യൂബില്‍ റിലീസ് ചെയ്തു
മെയ് 20 നു വൈകുന്നേരം 7 മണിക്കായിരുന്നു റിലീസ്. കൊച്ചിയിലെ കഫെ പപ്പായയില്‍ ചലച്ചിത്ര സംവിധായകന്‍ ആഷിഖ് അബു, സംഗീതസംവിധായകന്‍ ബിജിപാല്‍ എന്നിവര്‍ ആല്‍ബം റിലീസിങ്ങ് ചടങ്ങില്‍ പങ്കെടുത്തു.
രശ്മി സതീഷാണ് ഗാനം ആലപിച്ചത്. മാമുക്കോയയെ കൂടാതെ രശ്മി സതീഷും ഹാരിസും വീഡിയോയില്‍ അഭിനയിക്കുന്നുണ്ട്. സന്തോഷ് വര്‍മ്മയും മുഹ്‌സിന്‍ പരാരിയും ഹാരിസ് സലീമും ചേര്‍ന്നാണ് ഗാനങ്ങള്‍ രചിച്ചിരിക്കുന്നത്.
മുസ്‌ലിം ചെറുപ്പക്കാരെ ഭീകരവാദികളായി ചിത്രീകരിക്കുന്ന രാഷ്ട്രീയത്തെ ശക്തമായി വിമര്‍ശിക്കുന്ന ” നാറ്റീവ് ബാപ്പ ” സോഷ്യല്‍ മീഡിയകളിലൂടെ അഞ്ചു ലക്ഷത്തിനടുത്ത് പേര്‍ ഇതുവരെ കണ്ടിട്ടുണ്ട്. ഏറെ നിരൂപക ശ്രദ്ധ നേടിയ സംഗീത ആല്‍ബമായിരുന്നു ഇത്.
നേറ്റീവ് ബാപ്പ ആസ്വാദനം വായിക്കാം: