കെ റെയിലിനെതിരെ മാവോയിസ്റ്റ് പോസ്റ്റര്‍
ഡൂള്‍ന്യൂസ് ഡെസ്‌ക്
Sunday, 3rd April 2022, 12:17 pm
കോഴിക്കോട്: സില്‍വര്‍ ലൈന്‍ പദ്ധതിക്കെതിരെ മാവോയിസ്റ്റ് പോസ്റ്റര്‍. കോഴിക്കോട് പുതുപ്പാടി മട്ടിക്കുന്നിലാണ് സി.പി.ഐ മാവോയിസ്റ്റിന്റെ പേരില്‍ കെ റെയിലിനെതിരെ പോസ്റ്റര്‍ പ്രത്യക്ഷപ്പെട്ടിരിക്കുന്നത്.
കേരളത്തെ കെ റെയില്‍ കമ്പനിക്ക് വിട്ടുനല്‍കി കൃഷി ഭൂമിയെ നശിപ്പിക്കുന്ന പദ്ധതിയാണിതെന്നും, ഇതിനെതിരെ ആളുകള്‍ രംഗത്തുവരണമെന്നുമാണ് പോസ്റ്ററില്‍ പറയുന്നത്.
ഞായറാഴ്ച രാവിലെയാണ് പോസ്റ്ററുകള്‍ പ്രത്യക്ഷപ്പെട്ടിട്ടുള്ളത്.
‘സില്‍വര്‍ ലൈന്‍ വിരുദ്ധ സമരത്തില്‍ നില്‍ക്കുന്ന മുഴുവന്‍ ജനങ്ങള്‍ക്കും വിപ്ലവാഭിവാദ്യങ്ങള്‍’, ‘സായുധ സമരത്തിലൂടെ ജനകീയ അധികാരം സ്ഥാപിക്കുക’, ‘കെ റെയില്‍ വിരുദ്ധ സമരം ചെയ്യുന്ന ജനങ്ങള്‍ക്കൊപ്പം നില്‍ക്കാന്‍ മുഴുവന്‍ ജനങ്ങളോടും അഭ്യര്‍ത്ഥിക്കുന്നു’ തുടങ്ങിയ പോസ്റ്ററുകളാണ് പുതുപ്പാടി മട്ടിക്കുന്നില്‍ പ്രത്യക്ഷപ്പെട്ടിരിക്കുന്നത്.
