മാവോയിസ്റ്റ് വേട്ട വാളയാര്‍ കേസില്‍ നിന്ന് ശ്രദ്ധതിരിക്കാനുള്ള സര്‍ക്കാര്‍ നാടകമെന്ന് സംശയം ; സംഭവത്തില്‍ ദുരൂഹതയെന്നും വി.കെ ശ്രീകണ്ഠന്‍
ഡൂള്‍ന്യൂസ് ഡെസ്‌ക്
Monday, 28th October 2019, 6:28 pm
മലപ്പുറം:അട്ടപ്പാടി അഗളിക്ക് സമീപം ഉള്‍വനത്തില്‍ മാവോയിസ്റ്റുകളെ പൊലീസ് വെടിവെച്ചു കൊന്ന സംഭവത്തില്‍ ദുരൂഹതയുണ്ടെന്ന് പാലക്കാട് എം.പി വി.കെ ശ്രീകണ്ഠന്‍.
വാളയാര്‍ കേസില്‍ നിന്ന് ശ്രദ്ധ തിരിക്കുന്നതിനായി സര്‍ക്കാര്‍ കളിച്ച നാടകമാണോ മാവോവാദി വേട്ടയെന്ന് സംശയിക്കേണ്ടിയിരിക്കുന്നുവെന്നും ഇത്തരമൊരു ഏറ്റുമുട്ടലുണ്ടായിട്ട് അത് നാട്ടുകാര്‍ പോലും അറിഞ്ഞില്ല എന്നത് ദുരൂഹത വളര്‍ത്തുന്നെന്നും അദ്ദേഹം മലപ്പുറത്ത് മാധ്യമങ്ങളോട് പറഞ്ഞു.
താന്‍ ഈ അടുത്ത്‌പോലും അട്ടപ്പാടിയില്‍ സന്ദര്‍ശനം നടത്തിയിരുന്നു. എന്നാല്‍ ആരും തന്നെ മാവോവാദി ഭീഷണിയുള്ളതായി പറഞ്ഞിരുന്നില്ല. മാവോയിസ്റ്റ് സാന്നിധ്യം ഇല്ലെന്ന് പൊലീസ് റിപ്പോര്‍ട്ട് ഉണ്ടെന്നും അദ്ദേഹം പറഞ്ഞു.
