ബി.ജെ.പിയിലെത്തിയ കോണ്‍ഗ്രസ്-എന്‍.സി.പി നേതാക്കള്‍ മടങ്ങി വരാന്‍ തയ്യാറാണ്; ഇനി തകരാന്‍ പോകുന്നത് നിങ്ങള്‍; ബി.ജെ.പിക്കെതിരെ എന്‍.സി.പി
ഡൂള്‍ന്യൂസ് ഡെസ്‌ക്
Saturday, 30th November 2019, 11:59 am
മുംബൈ: മഹാരാഷ്ട്രയില്‍ ബി.ജെ.പിക്കെതിരെ നിലപാട് കടുപ്പിച്ച് വീണ്ടും എന്‍.സി.പി.
ബി.ജെ.പിയിലെ നിരവധി എം.എല്‍.എമാര്‍ കോണ്‍ഗ്രസില്‍ നിന്നും എന്‍.സി.പിയില്‍ നിന്നുമുള്ളവരാണെന്നും അവര്‍ തിരിച്ചുവരാന്‍ തയ്യാറാണെന്നും ഇത് ബി.ജെ.പി അറിഞ്ഞിരിക്കണമെന്നുമായിരുന്നു എന്‍.സി.പി നേതാവ് നവാബ് മാലിക് പറഞ്ഞത്.
ബി.ജെ.പി ഞങ്ങളെ വെല്ലുവിളിക്കുകയാണ്. എന്നാല്‍ ഞങ്ങള്‍ അവരെ തിരിച്ചു വെല്ലുവിളിക്കുന്നു. തകര്‍ക്കലിന്റെ രാഷ്ട്രീയമാണ് അവര്‍ പരീക്ഷിക്കാന്‍ ഒരുങ്ങുന്നതെങ്കില്‍ ആദ്യം അവസാനിക്കാന്‍ പോകുന്നത് അവര്‍ തന്നെയായിരിക്കും- നവാബ് മാലിക് പറഞ്ഞു.
