എന്റെയൊന്നും കാലത്ത് 20 മാസത്തെ അവധി കിട്ടിയില്ലല്ലോ എന്നോര്‍ത്ത് കരയുന്ന 'ലെ' ഞാന്‍; ആശംസകളുമായി മനോജ് കെ. ജയന്‍
എന്റര്‍ടെയിന്‍മെന്റ് ഡെസ്‌ക്
Monday, 1st November 2021, 11:02 am
കൊച്ചി: കൊവിഡ് മഹാമാരിയുടെ പശ്ചാത്തലത്തില്‍ കഴിഞ്ഞ ഒന്നര വര്‍ഷമായി അടച്ചിട്ട സ്‌കൂളുകള്‍ ഇന്ന് വീണ്ടും തുറക്കുകയാണ്. കൊവിഡ് പ്രോട്ടോക്കോളുകള്‍ പാലിച്ചുകൊണ്ടാണ് വിദ്യാര്‍ത്ഥികളെ സ്‌കൂളുകളില്‍ എത്തിക്കുന്നത്.
വലിയൊരു ഇടവേളയ്ക്ക് ശേഷം സ്‌കൂളിലെത്തുന്ന വിദ്യാര്‍ത്ഥികള്‍ക്ക് ആശംസകള്‍ അറിയിക്കുകയാണ് നടന്‍ മനോജ് കെ. ജയന്‍.
‘അങ്ങിനെ 20 മാസത്തെ ‘ഇമ്മിണി ബല്യ അവധിക്കു’ ശേഷം ഇന്ന് കേരളത്തിലെ സ്‌കൂളുകള്‍ തുറക്കുന്നു (എന്റെയൊന്നും കാലത്ത് 20 മാസത്തെ അവധി കിട്ടിയില്ലല്ലോ എന്നോര്‍ത്ത് കരയുന്ന ‘ലെ’ ഞാന്‍) എന്റെ കൊച്ചു കൂട്ടുകാര്‍ക്ക്, വിദ്യാര്‍ത്ഥി വിദ്യാര്‍ത്ഥിനികള്‍ക്ക്, ഹൃദയം നിറഞ്ഞ ആശംസകള്‍. കൂടെ അദ്ധ്യാപകര്‍ക്കും രക്ഷിതാക്കള്‍ക്കും Great Day ‘, എന്നാണ് മനോജ് കെ. ജയന്‍ കുറിച്ചത്.
