തന്റെ പോരാട്ടത്തില്‍ ആളും ആരവവും സാമ്രാജ്യത്വ സൗഹൃദങ്ങളും ഫിദലിന് എതിരായിരുന്നെങ്കില്‍ പക്ഷേ “മനുഷ്യര്‍” ഫിദലിന് ഒപ്പമായിരുന്നെന്നും മഞ്ജു തന്റെ പോസ്റ്റില്‍ പറയുന്നു. തോല്‍ക്കരുത് എന്ന് പഠിപ്പിച്ചതിന്റെ പേരിലാകും വരുംകാലം അദ്ദേഹത്തെ ഓര്‍മിക്കുകയെന്നും മഞ്ജു പറയുന്നു.
കൊച്ചി: അന്തരിച്ച ക്യൂബന്‍ വിപ്ലനായകന്‍ ഫിദല്‍ കാസ്‌ട്രോയെ അനുസ്മരിച്ച് മഞ്ജുവാര്യരുടെ ഫേസ്ബുക്ക് പോസ്റ്റ്. മനക്കരുത്തും ആശയങ്ങളുടെ ഉള്‍ക്കരുത്തും കൊണ്ടാണ് ഫിദല്‍ ശത്രുക്കളുടെ മേല്‍ വിജയം വരിച്ചതെന്നും അദ്ദേഹം നല്‍കിയ പ്രചോദനം ചെറുതല്ലെന്നും പോസ്റ്റില്‍ മഞ്ജു പറയുന്നു.
തന്റെ പോരാട്ടത്തില്‍ ആളും ആരവവും സാമ്രാജ്യത്വ സൗഹൃദങ്ങളും ഫിദലിന് എതിരായിരുന്നെങ്കില്‍ പക്ഷേ “മനുഷ്യര്‍” ഫിദലിന് ഒപ്പമായിരുന്നെന്നും മഞ്ജു തന്റെ പോസ്റ്റില്‍ പറയുന്നു. തോല്‍ക്കരുത് എന്ന് പഠിപ്പിച്ചതിന്റെ പേരിലാകും വരുംകാലം അദ്ദേഹത്തെ ഓര്‍മിക്കുകയെന്നും മഞ്ജു പറയുന്നു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം
ലോകമെങ്ങുമുള്ള പോരാളികളുടെ സംഗീതമായിരുന്നു ഫിദല്‍ കാസ്‌ട്രോ. ശരിയെന്ന് താന്‍ വിശ്വസിച്ചതിനു വേണ്ടിയുള്ള ആ പോരാട്ടത്തില്‍ അപ്പുറത്തായിരുന്നു ആളും ആരവവും സന്നാഹങ്ങളും സാമ്രാജ്യത്വ സൗഹൃദങ്ങളും. പക്ഷേ “മനുഷ്യര്‍” എപ്പോഴും ഇപ്പുറത്തുതന്നെയായിരുന്നു; ഫിദലിനൊപ്പം…ശക്തരായ ശത്രുക്കളെ അദ്ദേഹം ജയിച്ചത് മനക്കരുത്തും ആശയങ്ങളുടെ ഉള്‍ക്കരുത്തും കൊണ്ടാണ്. “മൈ ലൈഫ്”എന്ന പുസ്തകം വായിച്ച ചെറുപ്പകാലം തൊട്ടേ, തോല്‍ക്കാന്‍ തയ്യാറാകാതിരുന്ന ആ ജീവിതം നല്‍കിയ പ്രചോദനം ചെറുതല്ല. തോല്‍ക്കരുത് എന്ന് പഠിപ്പിച്ചതിന്റെ പേരിലാകും വരുംകാലം അദ്ദേഹത്തെ ഓര്‍മിക്കുക..
വിട, പ്രിയ ഫിദല്‍..