കള്ളുകുടിയന്റെ ലക്കു കെട്ട ചെയ്തിയായല്ല ആ ഡാന്‍സിനെ കാണേണ്ടത്; സനൂപ് കുമാറിന്റെ വൈറല്‍ വീഡിയോയില്‍ മഞ്ജു വാര്യര്‍
എന്റര്‍ടെയിന്‍മെന്റ് ഡെസ്‌ക്
Thursday, 29th April 2021, 9:16 am
കൊച്ചി: ഏപ്രില്‍ 29ന് ലോക നൃത്തദിനം ആഘോഷിക്കുമ്പോള്‍ വൈറല്‍ ഡാന്‍സിനെക്കുറിച്ച് പ്രതികരണവുമായി നടി മഞ്ജു വാര്യര്‍. സനൂപ് കുമാറിന്റെ റാസ്പുടിന്‍ ഡാന്‍സിനെക്കുറിച്ചാണ് മാതൃഭൂമി പത്രത്തിന് നല്‍കിയ അഭിമുഖത്തില്‍ മഞ്ജു വാര്യര്‍ പ്രതികരിച്ചത്.
കള്ളുകുടിയന്റെ ലക്കുകെട്ട ചെയ്തിയായല്ല സനൂപ് കുമാറിന്റെ ഡാന്‍സിനെ കാണേണ്ടതെന്നും ആത്മപ്രകാശനത്തിന്റെ ഉപാധിയാണ് അതെന്നും മഞ്ജു വാര്യര്‍ പറഞ്ഞു.
മദ്യപിക്കാതെയായിരുന്നു പ്രകടനമെന്നതിലുണ്ട് സനൂപിന്റ മികവെന്നും പ്രൊഫഷണല്‍ ഡാന്‍സറായ ആ യുവാവിന്റെ വാക്കുകളില്‍ തന്നെയുണ്ടായിരുന്നു നൃത്തത്തോടുള്ള ആത്മാര്‍ത്ഥതയെന്നും മഞ്ജു വാര്യര്‍ പറഞ്ഞു.
