ഹലോ ഞാന്‍ നിസാം ബഷീറാണ്, ഏത് നിസാം ബഷീറെന്ന് ഞാന്‍, സിനിമയുടെ പേര് പറഞ്ഞപ്പോള്‍ ഞെട്ടി: മണി ഷൊര്‍ണൂര്‍
എന്റര്‍ടെയിന്‍മെന്റ് ഡെസ്‌ക്
Saturday, 15th October 2022, 12:23 pm
നിസാം ബഷീര്‍ ചിത്രം റോഷാക്കില്‍ ഏറ്റവുമധികം ശ്രദ്ധ നേടിയ കഥാപാത്രങ്ങളിലൊന്നാണ് ബാലന്‍ ചേട്ടന്‍. മറിമായം എന്ന ആക്ഷേപഹാസ്യ പരിപാടിയിലൂടെ പ്രേക്ഷകര്‍ക്ക് പരിചിതനായ മണി ഷൊര്‍ണൂരാണ് ഈ കഥാപാത്രത്തെ അവതരിപ്പിച്ചത്. ചിത്രത്തില്‍ അഭിനയിക്കാന്‍ നിസാം ബഷീര്‍ തന്നെ വിളിച്ച അനുഭവം പങ്കുവെക്കുകയാണ് ബിഹൈന്‍ഡ്‌വുഡ്‌സ് ഐസിന് നല്‍കിയ അഭിമുഖത്തില്‍ മണി ഷൊര്‍ണൂര്‍.
‘നിസാം ബഷീറാണ് എന്നെ ഫോണ്‍ വിളിച്ചത്. ഹലോ ഞാന്‍ നിസാം ബഷീറാണെന്ന് പറഞ്ഞു. ഏത് നിസാം ബഷീറെന്ന് ഞാന്‍ ചോദിച്ചു. കെട്ട്യോളാണെന്റെ മാലാഖയുടെ ഡയറക്ടാണെന്ന് പറഞ്ഞു. അയ്യോ, ഞാനൊന്നു ഞെട്ടി, എന്താണെന്ന് ചോദിച്ചു. ഞാന്‍ അടുത്ത സിനിമ എടുക്കുവാണ്, മമ്മൂക്കയാണ് നായകന്‍. മമ്മൂക്കയാണ് അതിലൊരു വേഷത്തിന് മണിയേട്ടന്റെ നമ്പര്‍ തന്നതെന്ന് പറഞ്ഞു.
