'പാലാ വിട്ടുകൊടുക്കുന്ന പ്രശ്‌നമില്ല'; ജോസ് കെ. മാണിക്കനുകൂലമല്ല പാലായിലെ ഫലമെന്നും മാണി സി. കാപ്പന്‍
ഡൂള്‍ന്യൂസ് ഡെസ്‌ക്
Thursday, 17th December 2020, 12:11 pm
പാല: തദ്ദേശ തെരഞ്ഞെടുപ്പില്‍ ഇടതുപക്ഷ ജനാധിപത്യ മുന്നണിയുടെ കൂട്ടായ പ്രവര്‍ത്തനവും സര്‍ക്കാര്‍ ചെയ്ത നല്ല പ്രവര്‍ത്തനങ്ങളുമാണ് തദ്ദേശ തെരഞ്ഞെടുപ്പില്‍ മികച്ച വിജയം കാഴ്ച വെക്കാന്‍ കാരണമായതെന്ന് മാണി സി. കാപ്പന്‍.
പാലാ നിയോജക മണ്ഡലത്തില്‍ തനിക്ക് കിട്ടിയ ഭൂരിപക്ഷം ഇത്തവണ കേരള കോണ്‍ഗ്രസിന് കിട്ടിയിട്ടില്ല. കേരള കോണ്‍ഗ്രസ് മറ്റു പ്രദേശങ്ങളില്‍ നേട്ടമുണ്ടാക്കിയിട്ടുണ്ടാകാം എന്നാല്‍ പാലാ നിയോജക മണ്ഡലത്തില്‍ അതില്ല.
എന്‍.സി.പിയില്‍ വോട്ട് ചോര്‍ച്ചയുണ്ടായിട്ടില്ലെന്നും മാണി സി. കാപ്പന്‍ പറഞ്ഞു. നിയമസഭാ തെരഞ്ഞെടുപ്പിലേക്കുള്ള സൂചനയാണ് ഈ വിജയമെന്ന് ജോസ് കെ. മാണി പറഞ്ഞത് തെറ്റാണെന്നും അതങ്ങനെയല്ല എന്നാണ് താന്‍ ആവര്‍ത്തിക്കുന്നതെന്നും മാധ്യപ്രവര്‍ത്തകരുടെ ചോദ്യത്തിന് മറുപടിയായി മാണി സി. കാപ്പന്‍ പറഞ്ഞു.
