ഉള്ളാല്‍ പൊലീസാണ് പ്രതികളെ അറസ്റ്റ് ചെയ്തത്. റിസോര്‍ട്ടിന്റെ ട്രേഡ് ലൈസന്‍സും ടൂറിസം പെര്‍മിറ്റും റദ്ദാക്കുകയും ചെയ്തു. റിസോര്‍ട്ട് പൂട്ടി സീല്‍ വെക്കുകയും ചെയ്തിട്ടുണ്ട്.
പൂളില്‍ മുങ്ങിപ്പോയ സുഹൃത്തിനെ രക്ഷപ്പെടുത്താനുള്ള ശ്രമത്തിനിടെ അപകടമുണ്ടാകുകയായിരുന്നു. ഇന്നലെ (ഞായറാഴ്ച) 10 മണിയോടെയാണ് യുവതികളെ മരിച്ച നിലയില്‍ കണ്ടെത്തിയത്.
അപകടത്തിന്റെ സി.സി.ടി.വി ദൃശ്യങ്ങള്‍ പൊലീസിന് അന്നേരം തന്നെ ലഭിച്ചിരുന്നു. പൂളിന്റെ ഒരു വശത്തിന് ഏകദേശം ആറടിയോളം ആഴമുണ്ടായിരുന്നു. പൂളിലിറങ്ങിയ ഒരു യുവതി ഈ ആഴമുള്ള ഭാഗത്തേക്ക് മുങ്ങി പോകുകയായിരുന്നു.
തുടര്‍ന്ന് യുവതിയെ രക്ഷിക്കാന്‍ ശ്രമിക്കുന്നതിനിടെ മറ്റു രണ്ട് യുവതികളും അപകടത്തില്‍ പെടുകയായിരുന്നു. അപകടത്തില്‍ പെട്ട മൂന്ന് യുവതികള്‍ക്കും നീന്തല്‍ അറിയില്ലായിരുന്നുവെന്ന് പൊലീസ് വ്യക്തമാക്കിയിരുന്നു.
Content Highlight: Mangaluru swimming pool drowning death, manager and resort owner arrested
