തിരുവനന്തപുരം: ബവ്‌റിജസ് കോര്‍പ്പറേഷന്റെ ചില്ലറ വില്‍പ്പനശാലയില്‍ മദ്യം വാങ്ങാനെത്തിയ ആളും ജീവനക്കാരും തമ്മിലുള്ള തര്‍ക്കം പരിഹരിക്കാനെത്തിയ യുവാവിന് വെട്ടേറ്റു.
തിരുവനന്തപുരം ബാലരാമപുരത്താണ് സംഭവം. വെടിവച്ചാന്‍കോവില്‍ സ്വദേശി കിരണിനാണ് വെട്ടേറ്റത്. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. മദ്യം വാങ്ങാനെത്തിയ ഒരു കത്തിവില്‍പ്പനക്കാരനാണ് കിരണിനെ വെട്ടിയത്.
മദ്യം വാങ്ങാനെത്തിയ ഇയാള്‍ ക്യൂ തെറ്റിച്ച് മുന്നില്‍ കയറുകയായിരുന്നു. എന്നാലിത് ജീവനക്കാര്‍ വിലക്കി. പിന്നാലെ ഉണ്ടായ തര്‍ക്കം പരിഹരിക്കുന്നതിന് എത്തിയ കിരണിനെ പ്രതി ബാഗില്‍ നിന്ന് കത്തിയെടുത്ത് വെട്ടുകയായിരുന്നു.
കഴുത്തിലും കയ്യിലുമാണ് കിരണിന് വെട്ടേറ്റത്. സംഭവശേഷം പ്രതി ഓട്ടോയില്‍ കയറി രക്ഷപ്പെടുകയായിരുന്നു. ബാലരാമപുരം പ്രദേശങ്ങളില്‍ കത്തി വില്‍പ്പന നടത്തുന്നയാളാണ് പ്രതിയെന്നും ഇയാളെ ഉടന്‍ പിടികൂടുമെന്നും പൊലീസ് പറഞ്ഞു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlights: man stabbed youth bevco outlet trivandrum in balaramapuram