ഇംഗ്ലണ്ടിലെ ചാമ്പ്യന്മാര്‍ മാഞ്ചസ്റ്റര്‍ സിറ്റി തന്നെ; ഗോള്‍ഡന്‍ ബൂട്ട് സലാ അടക്കം മൂന്ന് പേര്‍ പങ്കിട്ടു
സ്പോര്‍ട്സ് ഡെസ്‌ക്
Sunday, 12th May 2019, 11:03 pm
മാഞ്ചസ്റ്റര്‍: എവേ മത്സരത്തില്‍ ബ്രൈട്ടണെ ഒന്നിനെതിരെ നാലു ഗോളുകള്‍ക്ക് പരാജയപ്പെടുത്തിയ മാഞ്ചസ്റ്റര്‍ സിറ്റി 98 പോയന്റുകളുമായി ഇംഗ്ലീഷ് പ്രീമിയര്‍ ലീഗ് ചാമ്പ്യന്മാരായി. 38 കളികളില്‍ നിന്നായാണ് സിറ്റി 98 പോയന്റുകള്‍ നേടിയത്. എന്നാല്‍ സീസണില്‍ ഒരു കളിയില്‍ മാത്രം പരാജയപ്പെട്ട ലിവര്‍പൂളിന് 97 പോയന്റുമായി രണ്ടാം സ്ഥാനം കൊണ്ട് തൃപ്തിപ്പെടേണ്ടി വന്നു.
72 പോയന്റുകളുമായി ചെല്‍സി മൂന്നാമതെത്തിയപ്പോള്‍ 71 പോയന്റുകള്‍ നേടി ടോട്ടനാം ഹോട്‌സ്പുര്‍ പ്രീമിയര്‍ ലീഗില്‍ നാലാമതെത്തി. പ്രീമിയര്‍ ലീഗില്‍ ആദ്യ നാലു സ്ഥാനങ്ങള്‍ നേടുന്ന ടീമുകളാണ് ചാമ്പ്യന്‍സ് ലീഗിലേക്ക് തെരഞ്ഞെടുക്കപ്പെടുക.
