'ആറു മിനിറ്റിനുള്ളില്‍ നേടിയ മൂന്ന് ഗോളുകള്‍,'; ആവേശകരമായ മത്സരത്തിനൊടുവില്‍ മാഞ്ചസ്റ്റര്‍ സിറ്റിക്ക് പ്രീമിയര്‍ ലീഗ് കിരീടം
സ്പോര്‍ട്സ് ഡെസ്‌ക്
Sunday, 22nd May 2022, 11:43 pm
ഇംഗ്ലീഷ് പ്രീമിയര്‍ ലീഗ് കിരീടം മാഞ്ചസ്റ്റര്‍ സിറ്റിക്ക്. അത്യന്തം ആവേശകരമായ മത്സരത്തില്‍ ആസ്റ്റണ്‍വില്ലയെ പരാജയപ്പെടുത്തിയാണ് സിറ്റി കിരീടം മാഞ്ചസ്റ്റര്‍ സിറ്റി നിലനിര്‍ത്തിയത്. ആറു മിനിറ്റിനുള്ളില്‍ നേടിയ മൂന്ന് ഗോളുകളാണ് മാഞ്ചസ്റ്റര്‍ സിറ്റിക്ക് കിരീടം നേടിക്കൊടുത്തത്.
കിരീടത്തിനായി അവസാന മത്സരം വരെ ഒപ്പത്തിനൊപ്പം നിന്ന ലിവര്‍പൂള്‍ അവസാന പോരാട്ടത്തില്‍ വോള്‍വ്‌സിനെ ഒന്നിനെതിരെ മൂന്ന് ഗോളിന് തോല്‍പിച്ചെങ്കിലും രണ്ടിനെതിരെ മൂന്ന് ഗോളിന് ആസ്റ്റന്‍ വില്ലയെ തകര്‍ത്ത് സിറ്റി കിരീടം നിലനിര്‍ത്തുകയായിരുന്നു.
രണ്ട് ഗോളിന് പിന്നിട്ടു നിന്ന ശേഷം ഉജ്വലമായി തിരിച്ചടിച്ചാണ് സിറ്റി കിരീടത്തില്‍ മുത്തമിട്ടത്. 38 മത്സരങ്ങളില്‍നിന്ന് സിറ്റിക്ക് 93ും ലിവര്‍പൂളിന് 92ും പോയന്റാണ് ലഭിച്ചത്.
