കൊവിഡ് പകരുമെന്ന് പേടി; ആരും വാഹനം നല്‍കാത്തതിനാല്‍ അമ്മയുടെ മൃതദേഹവുമായി മക്കള്‍ സഞ്ചരിച്ചത് കിലോമീറ്ററുകള്‍
ഡൂള്‍ന്യൂസ് ഡെസ്‌ക്
Wednesday, 28th April 2021, 7:37 am
അമരാവതി: ആരും വാഹനത്തില്‍ കയറ്റാന്‍ തയ്യാറാകാത്തതിനാല്‍ അമ്മയുടെ മൃതദേഹം ബൈക്കിലിരുത്തി ശ്മശാനത്തിലേക്ക് കൊണ്ടുപോകേണ്ടി വന്ന് മക്കള്‍. ആന്ധ്രാപ്രദേശിലെ ശ്രീകാകുളത്താണ് സംഭവം നടന്നത്.
കൊവിഡ് രോഗലക്ഷണങ്ങള്‍ കാണിച്ച അമ്പതുകാരിയായ സ്ത്രീയെ തിങ്കളാഴ്ചയാണ് ആശുപത്രിയിലെത്തിക്കുന്നത്. എന്നാല്‍ പെട്ടെന്ന് ആരോഗ്യനില ഗുരുതരാവസ്ഥയിലായതിനെ തുടര്‍ന്ന്, പരിശോധനാഫലലം ലഭിക്കും മുന്‍പ് തന്നെ ഇവര്‍ മരണപ്പെടുകയായിരുന്നു.
പിന്നീട് പരിശോധനാഫലം വന്നപ്പോഴാണ് കൊവിഡായിരുന്നുവെന്ന് സ്ഥിരീകരിക്കുന്നത്.
ഇവരുടെ ശവസംസ്‌കാരം നടത്താനായി മൃതദേഹം ശ്മശാനത്തിലെത്തിക്കാന്‍ മക്കള്‍ ആംബുലന്‍സിനായി നിരവധി പേരെ സമീപിച്ചെങ്കിലും ആരും തയ്യാറാകുന്നില്ലായിരുന്നു. മറ്റു വാഹനങ്ങളുടെ ഉടമസ്ഥരും ഡ്രൈവര്‍മാരും തയ്യാറായില്ല.
