നോട്ടുകള്‍ ബെല്‍റ്റാക്കി ദേഹത്ത്; 16 ലക്ഷം രുപയുടെ കുഴല്‍പ്പണം കടത്താന്‍ ശ്രമിച്ച വ്യക്തി താനൂരില്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Sunday, 10th October 2021, 5:20 pm
മലപ്പുറം: 16 ലക്ഷം രൂപയുടെ കുഴല്‍പ്പണം കടത്തിയ സംഭവത്തില്‍ ഒരാള്‍ അറസ്റ്റില്‍. തിരൂരങ്ങാടി സ്വദേശി കാസിമിനെയാണ് പൊലീസ് പിടികൂടിയത്. കോയമ്പത്തൂര്‍- കണ്ണൂര്‍ എക്സ്പ്രസ് ട്രെയിനില്‍ താനൂരില്‍ വന്നിറങ്ങിയ ഇയാളെ പൊലീസ് പിടികൂടുകയായിരുന്നു.
നോട്ടുകള്‍ ബെല്‍റ്റ് പോലെ ദേഹത്ത് കെട്ടിവെച്ചായിരുന്നു ഇയാള്‍ എത്തിയത്. 500, 2000 രൂപയുടെ കറന്‍സികളാണ് ഇയാള്‍ ബെല്‍റ്റാക്കി കൊണ്ടുവന്നത്. സമാനമായ രീതിയില്‍ ഇയാള്‍ മുമ്പും കുഴല്‍പ്പണം കടത്തിയതായി പൊലീസ് പറഞ്ഞു.
