ഗുജറാത്ത് ഉപമുഖ്യമന്ത്രിയെ ഷൂ എറിഞ്ഞത് കോണ്‍ഗ്രസുകാരനെന്ന് പൊലീസ്; ബി.ജെ.പി പ്രവര്‍ത്തകനെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Wednesday, 28th October 2020, 11:45 pm
അഹമ്മദാബാദ്: ഗുജറാത്ത് ഉപമുഖ്യമന്ത്രി നിതിന്‍ പാട്ടേലിന് നേരെ ഷൂ എറിഞ്ഞ ആള്‍ പിടിയില്‍. രശ്മിന്‍ പട്ടേല്‍ എന്നയാളാണ് പിടിയിലായത്. രശ്മിന്‍ കോണ്‍ഗ്രസ് പ്രവര്‍ത്തകനാണെന്നാണ് വഡോദര പൊലീസ് അറിയിച്ചത്. എന്നാല്‍ രശ്മിന്‍ കോണ്‍ഗ്രസ് പ്രവര്‍ത്തകനല്ല, ബി.ജെ.പിക്കാരനാണെന്നാണ് കോണ്‍ഗ്രസ് പറഞ്ഞിരിക്കുന്നത്.
രശ്മിന്‍ പട്ടേലിന്റെ മൊബൈല്‍ ഫോണില്‍ കണ്ടെത്തിയ ഒരു ഓഡിയോ ക്ലിപ്പില്‍, തന്റെ ‘പ്ലാന്‍ വിജയകരമായി തുടരുന്നു’ എന്ന് പറയുന്നത് കേള്‍ക്കാമെന്നും സംഭവത്തില്‍ മറ്റുള്ളവര്‍ ഉള്‍പ്പെട്ടിട്ടുണ്ടോയെന്ന് അന്വേഷിച്ചുവരികയാണെന്നും പൊലീസ് സൂപ്രണ്ട് സുധീര്‍ ദേശായി പറഞ്ഞു.
