കരിയറിലെ 15ാം വര്‍ഷത്തില്‍ നിര്‍മ്മാതാവായി മംമ്ത; മലയാളത്തിലെ ഏറ്റവും ചിലവേറിയ മ്യൂസിക് സിംഗിള്‍ 'ലോകമേ' ട്രെയ്‌ലര്‍ പുറത്തുവിട്ട് ദുല്‍ഖര്‍
എന്റര്‍ടെയിന്‍മെന്റ് ഡെസ്‌ക്
Saturday, 7th November 2020, 6:21 pm
പതിനഞ്ച് വര്‍ഷമായി മംമ്ത മോഹന്‍ദാസ് മലയാളികളുടെ ഇഷ്ട താരമായി മാറിയിട്ട്. 2005 ല്‍ മയൂഖത്തിലൂടെ ആരംഭിച്ച സിനിമാ കരിയറില്‍ 15 വര്‍ഷങ്ങള്‍ക്കിപ്പുറം പുതിയ ഒരു ചുവടുവെയ്പ്പിന് ഒരുങ്ങുകയാണ് മംമ്ത.
നിര്‍മ്മാതാവായാണ് മംമ്തയുടെ പുതിയ റോള്‍. ക്ലബ് എഫ്.എം റേഡിയോ ജോക്കിയായിരുന്ന ഏകലവ്യന്‍ സുഭാഷ് പാടി സോഷ്യല്‍ മീഡിയയില്‍ വൈറല്‍ ആക്കിയ ‘ലോകമേ’ എന്ന റാപ് സോങ് ആണ് മ്യൂസിക് വീഡിയോ ആയി ഒരുക്കുന്നത്. ഗാനത്തിന്റെ ട്രെയ്‌ലര്‍ അണിയറ പ്രവര്‍ത്തകര്‍ പുറത്തുവിട്ടു.
നടന്‍ ദുല്‍ഖര്‍ സല്‍മാന്‍ ആണ് ട്രെയ്‌ലര്‍ പുറത്തുവിട്ടത്. മംമ്ത മോഹന്‍ദാസ് പ്രൊഡക്ഷന്റെ ബാനറില്‍ മംമ്ത മോഹന്‍ദാസും നോയല്‍ ബെന്നും ചേര്‍ന്ന് നിര്‍മിക്കുന്ന ഈ മ്യൂസിക് സിംഗിള്‍ മലയാളത്തിലെ ഏറ്റവും നിര്‍മ്മാണ ചിലവുള്ള മ്യൂസിക് സിംഗിള്‍ ആണ്.
