കോഴിക്കോട്: രാജാധിരാജക്ക് ശേഷം അജയ് വാസുദേവന്‍ ഒരുക്കുന്ന മമ്മൂട്ടി ചിത്രം മാസ്റ്റര്‍പീസിന്റെ ട്രെയിലര്‍ പുറത്ത് വിട്ടു. കോളേജില്‍ പോക്കിരി പിള്ളേരേക്കാള്‍ പോക്കിരിയായ ഇംഗ്ലീഷ് പ്രൊഫസ്സറായ എഡ്വേര്‍ഡ് ലിവിങ്സ്റ്റണ്‍ എന്ന എഡ്ഡിയായാണ് മമ്മുക്ക ചിത്രത്തില്‍ അഭിനയിക്കുന്നത്.
ട്രെയിലറില്‍ വിശേഷിപ്പിക്കുന്ന പോലെ വെറും മാഷ് അല്ല ഗൂണ്ട മാഷായാണ് മമ്മുക്ക ചിത്രത്തില്‍ എത്തുന്നത്. ആക്ഷന്‍ രംഗങ്ങള്‍ കൊണ്ട് സമൃദമായ ചിത്രത്തിന്റെ ട്രെയിലര്‍ ആരാധകരുടെ പ്രതീക്ഷ വര്‍ധിപ്പിച്ചിരിക്കുകയാണ്. ആദ്യം പുറത്ത് വിട്ട ടീസറില്‍ മമ്മുക്കയുടെ സംഭാഷണമില്ലെന്ന കുറവ് ട്രെയിലറില്‍ തീര്‍ത്തിട്ടുണ്ട്.
Also Read ‘മോനേ ഇത് കലക്കും’; ആരാധകരില്‍ ആവേശം നിറച്ച് പ്രണവ് മോഹന്‍ലാലിന്റെ ആദിയുടെ രണ്ടാം പോസ്റ്റര്‍ പുറത്ത്
പുലിമുരുകന് ശേഷം ഉദയ് കൃഷ്ണ തിരക്കഥയൊരുക്കുന്ന ചിത്രത്തില്‍ വന്‍ താരനിരയാണ് അണിനിരക്കുന്നത്. മുകേഷ്, ഉണ്ണി മുകുന്ദന്‍, കലാഭവന്‍ ഷാജോണ്‍, ഗോകുല്‍ സുരേഷ്, മഖ്ബൂല്‍ സല്‍മാന്‍, ദിവ്യദര്‍ശന്‍, പൂനം ബാജ്‌വ, വരലക്ഷ്മി ശരത്കുമാര്‍, ജനാര്‍ദ്ദനന്‍, വിജയകുമാര്‍, നന്ദു, സന്തോഷ് പണ്ഡിറ്റ്, പാഷാണം ഷാജി, ജോളി മൂത്തേടന്‍ തുടങ്ങിയവര്‍ക്കൊപ്പം ആയിരത്തിലേറെ കോളേജ് വിദ്യാര്‍ഥികളും ചിത്രത്തില്‍ വേഷമിടുന്നു.
വിനോദ് ഇല്ലംപള്ളിയാണ് ക്യാമറ കൈകാര്യം ചെയ്തത്. റോയല്‍ സിനിമാസിന്റെ ബാനറില്‍ സി.എച്ച്.മുഹമ്മദ് നിര്‍മിക്കുന്ന ചിത്രം ഉദയ് കൃഷ്ണയുടെ നേതൃത്വത്തിലുള്ള യുകെ സ്റ്റുഡിയോസ് വിതരണം ചെയ്യും.